អេ អាយ អេ ពន្យាពេលបង់បុព្វលាភធានារ៉ាប់រង ក្រោមកម្មវិធីផ្តល់ជូនពិសេស AIA Covid Care គឺដើម្បីបន្ធូរបន្ថយបន្ទុកហិរញ្ញវត្ថុសម្រាប់លោកអ្នកជាអតិថិជនដែលត្រូវបានគេធ្វើរោគវិនិច្ឆ័យថាមានជំងឺកូវីដ-19 ការប៉ះពាល់ជីវភាព ឬអាជីវកម្ម ឬ ប្រឈមនឹងការលំបាកផ្នែកហិរញ្ញវត្ថុ។ ការផ្តល់ជូននេះគឺសម្រាប់បណ្ណសន្យារ៉ាប់រងដែលដល់កាលបរិច្ឆេទបង់បុព្វលាភធានារ៉ាប់រងបន្តចាប់ពី ថ្ងៃទី24 ខែឧសភា រហូតដល់ថ្ងៃទី31 ខែសីហា ឆ្នាំ2021 នឹងត្រូវអនុញ្ញាតឱ្យពន្យាពេលបង់នៅរយៈពេល2ខែបន្ទាប់។

ជម្រើសផ្លាស់ប្តូរចំនួន ឬ របៀបទូទាត់នៃបុព្វលាភធានារ៉ាប់រង ក្រោមកម្មវិធីផ្តល់ជូនពិសេស AIA Covid Care គឺដើម្បីបន្តសុពលភាពបណ្ណសន្យារ៉ាប់រង និងទទួលបានការការពារហិរញ្ញវត្ថុ តាមរយៈការផ្តល់ជម្រើសក្នុងការផ្លាស់ប្តូរចំនួន ឬ របៀបទូទាត់នៃបុព្វលាភធានារ៉ាប់រងឲ្យស្របតាមលទ្ធភាពរបស់លោកអ្នក។ សម្រាប់ព័ត៌មានបន្ថែម សូមទាក់ទងទីប្រឹក្សាផែនការជីវិត ឬផ្នែកសេវាកម្មអតិថិជន 086 999 242។

ការបន្ធូរបន្ថយលក្ខខណ្ឌនៃការដាក់បន្តសុពលភាពបណ្ណសន្យារ៉ាប់រងឡើងវិញ ក្រោមកម្មវិធីផ្តល់ជូនពិសេស AIA Covid Care គឺដើម្បីឲ្យប្រាកដថាអនាគតហិរញ្ញវត្ថុវលោកអ្នកត្រូវបានការពារ តាមរយៈការបង្កើនរយៈពេលអស់សុពលភាពនៃបណ្ណសន្យារ៉ាប់រងពី​30ថ្ងៃទៅជា 60ថ្ងៃ ដើម្បីបង្កើនលទ្ធភាពបន្តសុពលភាពបណ្ណសន្យារ៉ាប់រងឡើងវិញ ដោយមិនចាំបាច់បំពេញលក្ខខណ្ឌតម្រូវផ្សេងៗដូចជាការពិនិត្យសុខភាព។សម្រាប់ព័ត៌មានបន្ថែម សូមទាក់ទងទីប្រឹក្សាផែនការជីវិត ឬផ្នែកសេវាកម្មអតិថិជន 086 999 242។