ក្រុមបាល់ទាត់បុរសសាលាអន្តរជាតិ CIA FIRST ដែលជាម្ចាស់ជើងឯក AIA Corporate Cup 2025 បានធ្វើដំណើរត្រលប់មកកម្ពុជាវិញជាមួយមោទនភាព និងអនុស្សាវរីយ៍មិនអាចបំភ្លេចបានបន្ទាប់ពីតំណាងឱ្យ អេ អាយ អេ ខេមបូឌា ក្នុងការប្រកួតដណ្តើមជើងឯក Grand Finals ដែលធ្វើឡើងផ្ទាល់នៅកីឡដ្ឋាន Tottenham Hotspur​ (Spurs) កាលពីថ្ងៃចន្ទ ទី12 ខែឧសភា។

ការប្រកួតវគ្គផ្តាច់ព្រ័ត្រឆ្នាំនេះឃើញមានអ្នកចូលរួមជាង 70 នាក់មកពី AIA តាមបណ្តាប្រទេសនានាចំនួន 5 ដែលក្នុងការប្រកួតនីមួយៗបានបង្ហាញពីការងារជាក្រុម ភាពរួសរាយរាក់ទាក់ និងសាមគ្គីភាពជាមួយបណ្តាជាតិសាសដទៃ។ សូមបញ្ជាក់ផងដែរថា នេះជាលើកដំបូងចាប់តាំងពីការបើកសម្ពោធជាផ្លូវការនៅឆ្នាំ 2019 ដែលកីឡដ្ឋាន Tottenham Hotspur បើកឱ្យមានព្រឹត្តិការណ៍បែបនេះ ដើម្បីបន្ថែមភាព រំភើបរីករាយ និងពិតជាកិត្តិយសរបស់កីឡាករដែលបានប្រកួតផ្ទាល់លើវាលស្មៅដែលសម្រាប់ប្រកួត English Premier League។

កម្មវិធី​ប្រកួតបាល់ទាត់នេះរៀបចំឡើងក្នុងទម្រង់ម្ខាង 5នាក់ ដែលមាន 22ប្រកួត។​ ក្រុមបាល់ទាត់បុរស CIA FIRST បានបង្ហាញភាពស្វាហាប់  និងប្រឹងប្រែងទោះបីជាបានឡើងត្រឹមវគ្គពាក់កណ្តាលផ្តាច់ព្រ័ត្រ ដោយបានចាញ់ស៊ុតបាល់ប៉េណាល់ទីដ៏តានតឹងក៏ដោយ។ ទោះបីជាលទ្ធផលយ៉ាងនេះក្តី សមាជិកក្រុមនីមួយៗបានត្រលប់មកវិញជាមួយនឹងអនុស្សាវរីយ៍មិនអាចកាត់ថ្លៃបានអស់មួយជីវិត។

បន្ថែមអត្ថន័យពីលើបទពិសោធប្រកួតលើវាលស្មៅរាបស្មើដូចព្រំរបស់កីឡដ្ឋាន Tottenham Hotspur ក្រុមកីឡាកររបស់ CIA FIRST ក៏ត្រូវបានអញ្ជើញចូលរួមទស្សនាការប្រកួត English Premier League ក្នុងទឹកដីរបស់ Spurs ដែលលេងទល់នឹង Crystal Palace។ នាកម្មវិធីនោះ ពួកគេក៏ទទួលបាននូវបទពិសោធថ្មីសន្លាងដ៏រំភើបប្លែកអារម្មណ៍មួយទៀត នោះគឺការប្រណាំងឡាន F1 Drive នៅកីឡដ្ឋាន Spurs។​

លោក Matthew ប្រធានក្រុមបាល់ទាត់បុរស CIA FIRST បានចែករំលែកថា៖

"វាជាកិត្តិយសដ៏ធំធេងក្នុងនាមជាប្រធានក្រុម និងតំណាងឱ្យ អេ អាយ អេ ខេមបូឌា ទៅប្រកួតក្នុងកម្មវិធីដ៏ធំពិសេសបែបនេះ។ ឱកាសបានទៅប្រកួតនៅកីឡដ្ឋាន Tottenham Hotspur និងបានផ្សារភ្ជាប់ចំណងមិត្តភាពជាមួយនឹងក្រុមមកពីបណ្តាប្រទេសផ្សេងពិតជាបង្កើតបាននូវអនុស្សាវរីយ៍ដ៏អស្ចារ្យមិនអាចបំភ្លេចបាន។ ការប្រកួតបាល់ទាត់ វាលើសពីការចាញ់-ឈ្នះ ប៉ុន្តែវាឆ្លុះបញ្ចាំងអំពីមិត្តភាព ការតស៊ូ ការប្តេជ្ញា និងមោទនភាព។ ឆ្លៀតក្នុងពេលនេះ ខ្ញុំក៏សូមថ្លែងអំណរគុណយ៉ាងជ្រាលជ្រៅចំពោះ អេ អាយ អេ ខេមបូឌា ចំពោះការរៀបចំ និងរ៉ាប់រងទាំងស្រុងលើការធ្វើដំណើររបស់យើងទាំងអស់គ្នា។ អ្វីដែលយើងខ្ញុំទទួលបាននេះ ពិតជាបទពិសោធដែលមិនអាចកាត់ថ្លៃបាន។ ខ្ញុំគិតថាបទពិសោធបែបនេះ មានតែ អេ អាយ អេ ប៉ុណ្ណោះដែលអាចផ្តល់ជូនបាន។”

សូមបញ្ជាក់ផងដែរថា ពានរង្វាន់បាល់ទាត់ AIA Corporate Cup 2025 គឺជាការប្រកួតលើកទី 2 សម្រាប់អតិថិជនសាជីវកម្មរបស់ អេ អាយ អេ ខេមបូឌា ដែលបានរៀបចំឡើងចាប់ពីខែ វិច្ឆិកា ឆ្នាំ 2024 ដល់ខែមករា ឆ្នាំ 2025 ដែលក្រុមបាល់ទាត់មកពី CIA FIRST បានក្លាយជាជើងឯកបន្ទាប់ពីបានប្រកួតប្រជែងជាមួយនឹងក្រុមសាជីវកម្មចំនួន 27 ផ្សេងទៀត។

អ្វីដែលជើងឯក AIA Corporate Cup គឺជាបទពិសោធល្អឥតខ្ចោះមិនអាចកាត់ថ្លៃបាន ដែលបង្ហាញ ពីការប្តេជ្ញារបស់ អេ អាយ អេ លើការផ្តល់ជូនលើសពីដំណោះស្រាយសេវាធានារ៉ាប់ រងអាយុជីវិត និងសុខភាពនាំមុខគេ ដោយរួមបញ្ចូលទាំងគំនិតផ្តួចផ្តើមដើម្បីអតិថិជនរស់នៅមានសុខភាព និងជីវិតកាន់តែប្រសើរ។

AIA Corporate Cup ក៏មានគោលបំណងលើកកម្ពស់សុខភាព និងសុខុមាលភាពរបស់អតិថិជនសាជីវកម្មរបស់ អេ អាយ អេ ខេមបូឌា។ វាក៏ជំរុញទំនាក់ទំនងកាន់តែរឹងមាំរវាងកីឡាករចូលរួម លើកទឹកចិត្តឱ្យចាប់យកទម្លាប់រស់មានសុខភាពល្អ។​

គំនិតផ្តួចផ្តើមនេះ គឺជាផ្នែកមួយនៃកម្មវិធី WorkWell with AIA ដោយផ្តោតលើកត្តាចម្បងធំៗ 4 ដែលបានបង្កើតឡើងយ៉ាងពិសេស ដើម្បីធានាថានិយោជក និងនិយោជិតរីករាយទទួលយកបទពិសោធនៃអត្ថប្រយោជន៍រួមលើផ្នែកសុខភាព និងសុខមាលភាព រួមមាន Live Well (រស់នៅល្អ ដោយផ្តោតលើសុខុមាលភាពរាងកាយ) Think Well (គិតល្អ ដោយផ្តោតលើសុខុមាលភាពផ្លូវចិត្ត) Plan Well (ផែនការល្អ ដោយផ្តោតលើសុខុមាលភាពហិរញ្ញវត្ថុ) និង Feel Well (អារម្មណ៍ល្អ ដោយផ្តោតលើសុខុមាលភាពសង្គម)។

កម្មវិធីនេះក៏ស្របតាមគោលបំណងរបស់ អេ អាយ​ អេ ខេមបូឌា ក្នុងការជួយប្រជាជនកម្ពុជាឱ្យរស់នៅមានសុខភាព និងជីវិតកាន់តែប្រសើរ​ ក៏ដូចជាគាំទ្រគំនិតផ្តួចផ្តើម AIA One Billion របស់ AIA Group ដែលមានគោលបំណងដូចគ្នា ក្នុងការជួយប្រជាជនមួយពាន់លាននាក់នៅអាស៊ីឲ្យរស់នៅមានសុខភាព និងជីវិតកាន់តែប្រសើរនៅឆ្នាំ 2030។

ស្វែងយល់អំពី AIA Corporate Cup តាមរយៈកម្មវិធី WorkWell With AIA | អេ អាយ អេ ខេមបូឌា ឬចូលក្នុងគ្រុបហ្វេសប៊ុក Wellness@Work តាមរយៈ https://rb.gy/afoly9​ ។

ព័ត៌មានលម្អិតលើការទទួលយកដំណោះស្រាយការការពារលោកអ្នក និងគ្រួសារពី អេ អាយ​ អេ​ ខេមបូឌា លើជំងឺធ្ងន់ធ្ងរ គ្រោះថ្នាក់ចៃដន្យ និងការធានារ៉ាប់រងសុខភាពជាក្រុម សូមទាក់ទង AIA Client Care តាមរយៈលេខ 086 999 242 ឬចូលទៅកាន់គេហទំព័រ aia.com.kh។

អំពី អេ អាយ អេ ខេមបូឌា

ក្រុមហ៊ុនធានារ៉ាប់រង អេ អាយ អេ ខេមបូឌា គឺជាបុត្រសម្ព័ន្ធនៃ AIA Group មានក្រុមហ៊ុនធានារ៉ាប់រងអាយុជីវិតនៅទូទាំងតំបន់អាស៊ីដែលស្ថិតក្នុងបញ្ជីឈ្មោះសាធារណៈឯករាជ្យធំជាងគេ។ ក្រុមហ៊ុនមានវត្តមាននៅលើទីផ្សារចំនួន 18 ប្រទេសនៅអាស៊ីប៉ាស៊ីហ្វិក - សាខាគ្រប់គ្រងទាំងស្រុង។

ចាប់តាំងពីបើកដំណើរការនៅកម្ពុជា រាល់សកម្មភាពរបស់ អេ អាយ អេ ខេមបូឌា ធ្វើឡើងស្របតាមគោលបំណង ក្នុងការជួយឲ្យប្រជាជនកម្ពុជាឲ្យរស់នៅមានសុខភាព និងជីវិតកាន់តែប្រសើរ។ ចាប់តាំងពីចាប់ផ្តើមអាជីវកម្មក្នុងឆ្នាំ 2017 យើងបានក្លាយជាក្រុមហ៊ុនធានារ៉ាប់រងអាយុជីវិត និងសុខភាពដំបូងបង្អស់នៅកម្ពុជា ផ្តល់ការការពាររហូតដល់ 26 ស្ថានភាពជំងឺធ្ងន់ធ្ងរ។ ហើយបច្ចុប្បន្ននេះ អេ អាយ អេ អខេមបូឌា ក៏បានពង្រីកការការពារថ្មីចំពោះជំងឺធ្ងន់ធ្ងរលើលក្ខខណ្ឌរហូតដល់ 118 ចាប់ពីដំណាក់កាលដំបូងរហូតដល់ដំណាក់កាលចុងក្រោយដើម្បីរក្សាជំហរជាក្រុមហ៊ុនដំបូងបង្អស់នៅវិស័យធានារ៉ាប់រងកម្ពុជា។​

ក្នុងនាមជាក្រុមហ៊ុនធានារ៉ាប់រងឈានមុខគេមួយនៅកម្ពុជា  អេ អាយ អេ ខេមបូឌា ផ្តល់ជូននូវដំណោះស្រាយជីវិតឈានមុខគេនៅលើទីផ្សារសម្រាប់ប្រជាជនកម្ពុជាគ្រប់មជ្ឈដ្ឋាន រាប់ចាប់ពីគម្រោងធានារ៉ាប់រងសំខាន់ៗដែលបង្កើតឡើងស្របតាមតម្រូវការជាក់លាក់ ដែលរួមមានគម្រោងការពារលើជំងឺធ្ងន់ធ្ងរ គ្រោះថ្នាក់ចៃដន្យ ថ្លៃសម្រួលការសម្រាកព្យាបាលនៅមន្ទីរពេទ្យ និងជំនួយសង្គ្រោះបន្ទាន់នៅក្រៅប្រទេស។

អេ អាយ អេ ខេមបូឌា ផ្តោតសំខាន់លើការណែនាំ និងជម្រុញឲ្យប្រជាជនក្នុងសង្គមទទួលយកទម្លាប់ល្អៗ ក៏ដូចជាមធ្យោបាយដើម្បីឲ្យពួកគាត់ទទួលបាននូវសុខភាពល្អ តាមរយៈគំនិតផ្តួចផ្តើម រួមមានកិច្ចសហការ ជាមួយក្រសួងកិច្ចការនារី ដើម្បីពង្រឹងលើសមភាពយេនឌ័រនិងសិទ្ធិស្ត្រី ការលើកកម្ពស់ការយល់ដឹងអំពីជំងឺមហារីកសុដន់ តាមរយៈយុទ្ធនាការប្រចាំឆ្នាំ AIA Fit for Hope របស់យើងជាដើម។

យើងក៏ចូលរួមជួយលើកស្ទួយកុមារដែលជួបបញ្ហាជីវភាពរាប់ពាន់នាក់ផងដែរ ដោយតាមរយៈឧបត្ថម្ភដល់លីគបាល់ទាត់ AIA-ISF ដែលជាលីគបាល់ទាត់ថ្នាក់មូលដ្ឋានធំជាងគេនៅកម្ពុជា។ ជាងនេះទៀតសោធ យើងក៏សហការជាមួយក្លិបTottenham Hotspur ក្នុងក្របខណ្ឌ English Premier League ដែលជាដៃគូសកល និងជាក្លិបបាល់ទាត់កំពូលនៅលើពិភពលោក ដើម្បីធានាថាកុមារទាំងនោះទទួលបានការអប់រំដែលពួកគេសមនឹងទទួលបាន។

អេ អាយ អេ ខេមបូឌា គឺជាក្រុមហ៊ុនធានារ៉ាប់រងអាយុជីវិត និងសុខភាពកម្ពុជាតែមួយគត់ដែលបានទទួលពានរង្វាន់ “ក្រុមហ៊ុនល្អបំផុតសម្រាប់ការងារនៅអាស៊ី (Best Companies to Work for in Asia)” ពី HR Asia ក្នុងរយៈពេល 5ឆ្នាំជាប់គ្នាពី 2020​ ដល់ 2024 អេ អាយ អេ ខេមបូឌា មានការិយាល័យកណ្តាលនៅទីក្រុងភ្នំពេញ និងបច្ចុប្បន្នបានពង្រីកសាខានៅខេត្តសៀមរាប កំពត កំពង់ចាម និងបាត់ដំបង។