កាលបរិច្ឆេទបច្ចុប្បន្នភាពៈ 22 កញ្ញា 2016

គោលការណ៍ទិន្នន័យផ្ទាល់ខ្លួនរបស់អេ អាយ អេ (“PD Policy”) ដែលជាក្រុមហ៊ុនធានារ៉ាប់រងអាយុជីវិត អេ អាយ អេ (ខេមបូឌា) ឡាយហ្វ៍ អ៊ិនសួរេន ម.ក (ក្រុមហ៊ុនចុះបញ្ជីលេខ 00021220) (“អេ អាយ អេ កម្ពុជា”) និងស្ថាប័នពាក់ព័ន្ធរបស់ខ្លួនរួមមាន បុគ្គល ឬអង្គភាព ភ្នាក់ងារ ដៃគូពាណិជ្ជកម្ម និងអ្នកផ្តល់សេវាកម្មឲ្យ (រួមមាន បុគ្គលិកអេ អាយ អេ ក្រុមការងារ ក្រុមការងាររបស់យើង) ប្រមូល ប្រើប្រាស់ បញ្ចេញ និងរក្សាទិន្នន័យផ្ទាល់ខ្លួនរបស់អ្នក។

ទ្រព្យសម្បត្តិដែលសំខាន់បំផុតរបស់ អេ អាយ អេ កម្ពុជា និងបុគ្គលិកអេ អាយ អេ គឺផ្តល់ទីកន្លែងដែលទុកចិត្តនិងសុវត្ថិភាពក្នុងការទុកដាក់ទិន្នន័យផ្ទាល់ខ្លួនរបស់អ្នក។ អ្នកអាចទុកចិត្តយើងក្នុងការថែរក្សាទិន្នន័យផ្ទាល់ខ្លួនរបស់អ្នកឲ្យបានត្រឹមត្រូវ ការពារទិន្នន័យផ្ទាល់ខ្លួនរបស់អ្នកពីលួចបន្លំនិងកំហុសឆ្គងផ្សេងៗ និងរក្សាទិន្នន័យផ្ទាល់ខ្លួនឲ្យមានសុវត្ថិភាពពីការលួចបន្លំ ឬបែកធ្លាយដោយប្រការណាមួយ។

គោលការណ៍ទិន្នន័យផ្ទាល់ខ្លួននេះ (“PD Policy”) ផ្តល់ព័ត៌មានជូនលោកអ្នកអំពីការប្រមូល និងរបៀបនៃការប្រមូលទិន្នន័យផ្ទាល់ខ្លួនរបស់អ្នក គោលបំណងនៃការប្រើប្រាស់ទិន្នន័យ បុគ្គលដែលទិន្នន័យទាំងអស់ត្រូវបានបញ្ជូនទៅ ការប្រើប្រាស់ ការពិនិត្យមើល និងការកែតម្រូវទិន្នន័យផ្ទាល់ខ្លួនរបស់អ្នកនិងគោលការណ៍របស់យើងក្នុងការប្រើប្រាស់ Cookies។

អេ អាយ អេ​ កម្ពុជា និងបុគ្គលិករបស់ អេ អាយ អេ ​ទទួលខុសត្រូវក្នុងការប្រមូល រក្សា ឬប្រើប្រាស់ទិន្នន័យផ្ទាល់ខ្លួនរបស់អ្នក។ ការផ្តល់ទិន្នន័យផ្ទាល់ខ្លួនរបស់អ្នក គឺធ្វើឡើងដោយការស្ម័គ្រចិត្ត។ អ្នកអាចជ្រើសរើសក្នុងការមិនផ្តល់ជូននូវទិន្នន័យដែលបានស្នើឲ្យយើងខ្ញុំ ប៉ុន្តែការបដិសេធដូចនេះ អាចជាការរារាំងលទ្ធភាពធ្វើអាជីវកម្មរបសប់យើងក្នុងការផ្តល់ជូននូវសេវាជូនលោកអ្នក។

កន្លែងរក្សាទុក “គោលការណ៍” គឺសំដៅខ្លឹមសាររបស់ PD Policy ដូចដែលមានបញ្ជាក់នូវឯកសារយោង មានបន្ថែមក្នុងឯកសារធានារ៉ាប់រងដែលអ្នកបានទិញ ឬចំណុចដែលធានា រួមមាន កម្មវិធីរបស់ អេ អាយ អេ កម្ពុជា ដែលអ្នកបានធ្វើបរិវិសកម្ម ឬការចូលរួម។

របៀបប្រមូលទិន្នន័យផ្ទាល់ខ្លួនរបស់អ្នក

អេ អាយ អេ ប្រមូលទិន្នន័យផ្ទាល់ខ្លួនរបស់អ្នកតាមរយៈ៖

• នៅពេលដែលអ្នកប្រើប្រាស់ផលិតផល ឬសេវាកម្មរបស់យើង ពេលចូលមើលគេហទំព័រ និងប្រើប្រាស់សេវានៅលើបណ្តាញអ៊ិនធឺណិត និងឧបករណ៍ចល័តរបស់យើង។
• នៅពេលអ្នកបញ្ជូនឯកសារ និងសំនុំបែបបទមកយើង កំឡុងពេលដំណើរការទិញ ឬនៅពេលអ្នកពិចារណាថាទិញ ផលិតផល ឬសេវាកម្មរបស់យើង។
• នៅពេលដែលអ្នកដាក់បញ្ជូនសំណើរសុំការផ្លាស់ប្តូរ ឬកែតម្រូវឯកសារធានារ៉ាប់រងរបស់អ្នក ឬសំណើផ្សេងៗដែលពាក់ព័ន្ធជាមួយឯកសារធានារ៉ាប់រងរបស់អ្នក រួមទាំងការដាក់បញ្ជូនទម្រង់បែបបទ និងឯកសារសេវាកម្មធានារ៉ាប់រង។
• នៅពេលដែលអ្នកឆ្លើយតបជាមួយសំនួររបស់យើង ឬស្នើឲ្យយើងទាក់ទងទៅអ្នក។
• នៅពេលអ្នកប្រាស្រ័យទាក់ទងជាមួយបុគ្គលិក ភ្នាក់ងារ បុគ្គលិកផ្នែកសេវាកម្មអតិថិជន ឬអ្នកតំណាងផ្នែកលក់របស់យើងតាមយៈទូរស័ព្ទ អ៊ីម៉ែល ការជួបប្រជុំដោយផ្ទាល់ ការសម្ភាស សារទូរស័ព្ទ ទូរលេខ សំបុត្រ ឬសំបុត្រអេឡិចត្រូនិច។
• នៅពេលយើងទទួលបានការណែនាំ និងប្រមូលទិន្នន័យផ្ទាល់ខ្លួនពី អេ អាយ អេ ខេមបូឌា បុគ្គលអេ អាយ អេ និងភាគីទីបីដែលផ្តល់សេវាកម្មឲ្យ និងអ្នកតំណាងឲ្យអេ អាយ អេ។
• នៅពេលដែលយើងស្វែងរកព័ត៌មានអំពីអ្នកតាមរយៈភាគីទីបី រួមទាំងប៉ុន្តែមិនកំណត់ចំពោះអ្នកស៊ើបអង្កេត ប្រភពឯកសារសុខភាព មន្ទីពេទ្យ វេជ្ជបណ្ឌិត​ អ្នកជំនាញផ្នែកសុខភាពផ្សេងដែលពាក់ព័ន្ធនឹងឯកសារធានារ៉ាប់រងរបស់អ្នក ទម្រង់ឯកសារធានារ៉ាប់រង  ឯកសារហានិភ័យធានារ៉ាប់រងរបស់អ្នក ឯកសារទាមទាសំណងធានារ៉ាប់រង និង/ឬផលិតផលនិងសេវាកម្មរបស់អេ អាយ អេ ­­­កម្ពុជាដែលអ្នកបានប្រើ ឬទិញដោយអ្នកផ្ទាល់ (“ប្រភពឯកសារសុខភាព”)។

តាមរយៈការផ្តល់ជូនទិន្នន័យផ្ទាល់ខ្លួនផ្សេងៗមកយើងដែលពាក់ព័ន្ធទៅនឹងភាគីទីបី (ឧទាហរណ៍ៈ អ្នកធានា សមាជិកគ្រួសារ និង អ្នកទទួលផលប្រយោជន៍) អ្នកត្រូវតំណាង និងធានាថា អ្នកពិតជាបានផ្តល់ទិន្នន័យត្រឹមត្រូវ និងមានការព្រមព្រៀងពីភាគីទីបីនោះសម្រាប់ការប្រមូលទិន្នន័យ ប្រើប្រាស់និងបង្ហាញទិន្នន័យផ្ទាល់ខ្លួនរបស់ភាគីទីបីទៅតាមគោលបំណងដែលពាក់ព័ន្ធ លើកលែងតែកិច្ចព្រមព្រៀងនោះមិនស្ថិននៅក្រោមវិសាលភាពនៃច្បាប់។ អ្នកក៏យល់ព្រមផ្តល់សំណងទាំងស្រុងចំពោះការខូចខាត បាត់បង់ ការបង់ថ្លៃ កម្រៃសេវាផ្លូវច្បាប់ (កម្រៃមេធាវី សម្រាប់ប្រភេទអតិថិជន) ការពិន័យនិងការចំណាយលើប្រតិបត្តិការផ្សេងៗ រួមទាំងការចំណាយ ឬពិន័យផ្សេងៗដែលតម្រូវឲ្យបង់ ឬគិតសោហ៊ុយដោយអាជ្ញាធរ ហើយនិងការចំណាយទាំងឡាយណាដែលនឹងអាចកើតឡើងពាក់ព័ន្ធជាមួយសកម្មភាព ឬការខាតបង់ដែលអ្នកបានធ្វើឡើង (ជាមួយមន្ត្រីពាក់ព័ន្ធ បុគ្គលិក ទីប្រឹក្សា ភ្នាក់ងារ និងអ្នកតំណាង) ឬកំហុស និងការធ្វេសប្រហែសដែលអ្នកបានបង្កឡើង ក្នុងពេលបំពេញកាតព្វកិច្ចទាំងនេះ ឬកត្តាផ្សេងៗដែលជាហេតុបណ្តាលឲ្យមានការឆ្គាំឆ្គងជាមួយច្បាប់ដែលពាក់ព័ន្ធ។

ប្រភេទទិន្នន័យផ្ទាល់ខ្លួនដែលបានប្រមូល ​ប្រើប្រាស់ ឬបង្ហាញ

បុគ្គលរបស់អេ អាយ អេ អាចប្រមូល ប្រើ និង​បង្ហាញទិន្នន័យផ្ទាល់ខ្លួន រួមទាំង ប៉ុន្តែមិនកំណត់ចំពោះករណីដូចខាងក្រោម៖

• ព័ត៌មានផ្ទាល់ខ្លួនរបស់អ្នកដូចជា លេខអត្តសញ្ញាណប័ណ្ណ លេខលិខិតឆ្លងដែន ព័ត៌មានទំនាក់ទំនង អាសយដ្ឋាន ថ្ងៃខែឆ្នាំកំណើត មុខរបរ រូបថត និង ស្ថានភាពអាពាហ៍ពិពាហ៍
• ព័ត៌មានហិរញ្ញវត្ថុរបស់អ្នកដូចជាប្រាក់ចំណូល លេខគណនីធនាគារ របាយការណ៍សោធនិវត្តន៍ របាយការណ៍ហិរញ្ញវត្ថុធនាគារ ប័ណ្ណឥណទាន ព័ត៌មានទូទាត់រវាងធនាគារ និងព័ត៌មានទៅលើការចំណាយផ្សេងៗ
• ប្រវត្តិការងារ និងព័ត៌មានការងាររបស់អ្នក
• ព័ត៌មានសុខភាពរបស់អ្នក ដូចជាប្រវត្តិសុខភាព ប្រវត្តិប្រឹក្សាសុខភាព វេជ្ជបញ្ជាទិញថ្នាំ សំណៅផ្សេងៗ ការព្យាបាល របាយការណ៍ដែលបានផ្តល់ដោយសេវាសុខភាព និងរបាយការណ៍សុខភាព
• ព័ត៌មានលម្អិតអំពីផលិតផលនិងសេវាកម្មដែលអ្នកបានទិញពី អេ អាយ អេ កម្ពុជា ដូចជាលេខធានារ៉ាប់រង និងចំនួនទឹកប្រាក់ដែលត្រូវធានា និង
• ទិន្នន័យផ្ទាល់ខ្លួនរបស់ភាគីទីបី ដែលអ្នកបានផ្តល់មកយើង ពាក់ព័ន្ធជាមួយការទិញផលិតផល ឬសេវាកម្មរបស់យើង ឬសម្រាប់ការណែនាំអតិថិជន។

គោលបំណងសម្រាប់ទិន្នន័យដែលបានប្រមូល ប្រើប្រាស់ និងបង្ហាញ

បុគ្គលិក អេ អាយ អេ ប្រមូល ប្រើប្រាស់ និងបង្ហាញទិន្នន័យផ្ទាល់ខ្លួនរបស់អ្នកសម្រាប់គោលបំណងដូចខាងក្រោម៖

• សម្រាប់វាយតម្លៃតម្រូវការហិរញ្ញវត្ថុរបស់អ្នក និងផ្តល់ជាអនុសាសន៍ឲ្យត្រូវជាមួយផលិតផលនិងសេវាកម្មដែលសាកសមសម្រាប់អ្នក
• ដើម្បីវាយតម្លៃ ដំណើរការ គ្រប់គ្រង អនុវត្ត និងអនុញាតិឲ្យស្នើសុំ ឬប្រតិបត្តិការ
• សម្រាប់ធានាហានិភ័យដែលអាចកើតឡើងទៅលើគម្រោងធានារ៉ាប់រងរបស់អ្នក ការផ្តល់ជូនការធានារ៉ាប់រងឡើងវិញ និងវាយតម្លៃសមាសភាពរបស់អ្នកក្នុងការទិញផលិតផលនិងសេវាកម្មរបស់យើង។
• សម្រាប់ផ្តល់សេវាកម្មទៅលើគម្រោងធានារ៉ាប់រងរបស់អ្នក គណនីរបស់អ្នក និងរក្សាទំនាក់ទំនងជាមួយយើង
• សម្រាប់ឆ្លើយតបទៅនឹងសំណើ និងចម្ងល់របស់អ្នក រួមមានសំណើនិងចម្ងល់អំពីអ្នកតំណាងរបស់អ្នក និងបុគ្គលអះអាងថាជាអ្នក
• សម្រាប់ការផ្លាស់ប្តូរឬផ្តល់ព័ត៌មានបន្ថែមទៅលើគម្រោងធានារ៉ាប់រងរបស់អ្នក
• សម្រាប់ពិនិត្យ ការបន្តជូនសាជាថ្មី ឬស្តាឡើងវិញនូវគម្រោងធានារ៉ាប់រងរបស់អ្នក
• ផ្តល់ព័ត៌មានម្តងម្កាល ឬជាប្រចាំអំពីសេវាធានារ៉ាបរងរបស់អ្នក
• វាយតម្លៃ ដំណើរការ ដោះស្រាយ ធ្វើនីត្យានុកូលកម្ម និងស៊ើបអង្កេតពេលទាមទារសំណង
• ផ្ទៀងផ្ទាត់អត្តសញ្ញាណរបស់អ្នក និងរាល់ព័ត៌មានដែលអ្នកផ្តល់ជូនមកយើង
• ប្រមូលប្រាក់បុព្វលាភ និងធ្វើការទូទាត់ប្រាក់ជូនអ្នក ពាក់ព័ន្ធជាមួយផលិតផនិងសេវាកម្មរបស់យើង
• សម្រាប់សកម្មភាពផ្សព្វផ្សាយទីផ្សារ ចំពោះសកម្មភាព ពាណិជ្ជកម្ម ផលិតផលនិងសេវាកម្មរបស់អេ អាយ អេ កម្ពុជាជូនអ្នកតាមរយៈការណាត់ជួបផ្ទាល់ ទូរស័ព្ទ សារខ្លីៗ ទូរសារ សំបុត្រ ឯកសារអេឡិចត្រូនិច និងបណ្តាញឌីជីថលផ្សេង។
• សម្រាប់ការចូលរួមនិងរៀបចំការប្រកួតប្រជែងណាមួយ ការចាប់ឆ្នោតផ្សងសំណាងផ្សេងៗ កម្មវិធីផ្សព្វផ្សាយ និងការប្រណាំងប្រជែង
• សម្រាប់ការផ្តល់ជូន ការគ្រប់គ្រង ការប្រតិបត្តិ ដំណើរការនិងការគ្រប់គ្រងផលិតផលិផលនិងសេវាកម្មរបស់យើងជូនអ្នក
• សម្រាប់រក្សាទុក ទុកបម្រុង ឬបំផ្លាញទិន្នន័យផ្ទាល់ខ្លួនទាំងនោះ
• សម្រាប់តម្រូវការតាមច្បាប់ ការត្រួតពិនិត្យនិងការធ្វើសាវនកម្ម
• សម្របទៅតាមតម្រូវការនៃគោការណ៍ផ្ទៃក្នុងរបស់អេ អាយ អេ​ កម្ពុជា
• ដើម្បីរចនាថ្មី ឬ កែលម្អបន្ថែមផលិតផលឬសេវាកម្មដែលមានស្រាប់
• ដើម្បីទំនាក់ទំនងជាមួយអ្នក រួមមានបញ្ញើទំនាក់ទំនងផ្នែករដ្ឋបាលជាមួយគណនីដែលអ្នកនឹងមានជាមួយយើង ឬការកែតម្រូវនៅថ្ងៃអនាគតទៅលើគោលការណ៍នេះ
• សម្រាប់ការសិក្សាស្រាវជ្រាវទីផ្សារ ស្ថិតិឬនិទស្សន៍ពិត និងការវិភាគនិន្នាការផលិតផលនិងសេវាកម្មរបស់ក្រុមហ៊ុន សម្រាប់ក្រុមហ៊ុនអ្នកអនុវត្តច្បាប់ និងការអនុវត្តន៍ឧស្សាហកម្ម ព្រមទាំងការសិក្សានិងពិនិត្យមើលបទដ្ឋានរបស់ផលិតផលនិងសេវាកម្ម
• សម្រាប់ការផ្ទៀងផ្ទាត់ទិន្នន័យ នៅក្នុងកិច្ចការផ្ទៃក្នុង និងកិច្ចការរដ្ឋបាល
• តម្រូវទៅតាមតម្រូវការរបស់ច្បាប់ បទបញ្ញាតិ បទបញ្ជា កិច្ចព្រមព្រៀងឬសេចក្តីព្រាងដោយ
• រដ្ឋាភិបាល ភ្នាក់ងារអនុវត្តច្បាប់ អាជ្ញាធររដ្ឋាភិបាល ភ្នាក់ងារដោះស្រាយជម្លោះ ឬភាគីផ្នែកឧស្សាហកម្ម ឬរាល់ការពាក់ព័ន្ធជាមួយការស៊ើបអង្កេត
• សម្រាប់កែតម្រូវគេហទំព័ររបស់យើង ឲ្យសាកសមទៅនឹងតម្រូវការរបស់អ្នក ការផ្តល់ជូនអនុសាសន៍ចំពោះផលិតផលដែលពាក់ព័ន្ធ និងកំណត់គោលដៅផ្សព្វផ្សាយពាណិជ្ជកម្មនៅលើគេហទំព័ររបស់យើង ឬតាមរយៈបណ្ដាញផ្សេងៗ
• សម្រាប់គុណភាពសេវាកម្ម ឬវគ្គបណ្តុះបណ្តាលនៅពេលទំនាក់ទំនងរបស់យើងជាមួយអ្នកត្រូវបានថតទុក
• សម្រាប់ធ្វើកិច្ចការរដ្ឋបាលទូទៅដែលទាក់ទងជាមួយការលើកឡើងខាងលើ
• គោលបំណងផ្សេងៗដូចដែលបានជូនដំណឺងកាលពីពេលប្រមូល និង
• គោលបំណងផ្សេងៗទៀតដែលពាក់ព័ន្ធដោយផ្ទាល់ទៅករណីផ្សេងៗខាងលើ។

តាមរយៈការផ្តល់ជូនទិន្នន័យផ្ទាល់ខ្លួនរបស់អ្នកមកយើង អ្នកបានយល់ព្រមឲ្យអេ អាយ អេ កម្ពុជារក្សា ផ្ទុកព័ត៌មានរបស់អ្នករយៈពេលសមស្របមួយទៅតាមភាពចាំបាច់ ដើម្បីបំពេញនូវគោលបំណងដែលព័ត៌មានដែលបានប្រមូលមកនេះគឺ សមស្របទៅតាមច្បាប់ និងបទបញ្ជា និងស្របទៅតាមគោលការណ៍ផ្ទៃក្នុងរបស់អេ អាយ អេកម្ពុជា។ អេ អាយ អេ​ កម្ពុជាអនុវត្តនវិធានការផ្តល់ជូនសុវត្ថិភាពសមស្របដើម្បីការពារការចូលប្រើប្រាស់ទិន្នន័យដោយគ្មានការអនុញ្ញាត ឬ ចូលដំណើរការ លុបចោល បាត់បង់ ឬប្រើប្រាស់ដោយចៃដន្យ រួមទាំងការកំណត់ការចូលប្រើប្រាស់ទិន្នន័យជាក់ស្តែងនៅក្នុងប្រព័ន្ធរបស់អេ អាយ អេ និងការរឹតបន្តឹងសុវត្ថិភាពរបស់ទិន្នន័យសម្ងាត់នៅពេលធ្វើការផ្ទេរទិន្នន័យទាំងនោះ។ សកម្មភាពសមស្របមួយ ដូចជាការលុប បំផ្លាញចោល ឬលប់បំបាត់អត្តសញ្ញាណទិន្នន័យផ្ទាល់ខ្លួនរបស់អ្នកនៅពេលលែងត្រូវការប្រើប្រាស់សម្រាប់គោលបំណងដូចខាងលើ។

តើទន្នន័យផ្ទាល់ខ្លួនរបស់អ្នកនឹងត្រូវបានផ្តល់ជូនទៅភាគីណាខ្លះ?

ទិន្នន័យផ្ទាល់ខ្លួនរបស់អ្នកនឹងត្រូវបានរក្សាជាការសម្ងាត់ ដោយឡែក ក្រោមការអនុម័តដោយច្បាប់ ការបង្ហាញព័ត៌មានទាំងអស់នោះអាចនឺងត្រូវធ្វើឡើង ដើម្បីបំពេញគោលបំណងនៅក្នុងគោលដៅណាមួយ តាមរយៈទិន្នន័យដែលបានប្រមូល ហើយទិន្នន័យផ្ទាល់ខ្លូនទាំងនោះនិងត្រូវបានផ្តល់ជូនទៅភាគីដូចខាងក្រោម៖

• បុគ្គលិកធានារ៉ាប់រង (រួមបញ្ចូលអ្នកពិគ្រោះសេវាហិរញ្ញវត្ថុរបស់ពួកយើង)
• បុគ្គលិករបស់ អេ អាយ អេ អ្នកផ្តល់សេវាភាគីទីបី និងអ្នកតំណាងរបស់ អេ អាយ អេ ដែលជាបុគ្គលផ្ដល់នូវសេវារដ្ឋបាល សេវាដំណើរការអាជីវកម្ម សេវាផ្ទុកឯកសារ សេវាពិនិត្យឯកសារគោលការណ៍ សេវាបោះពុម្ពនិងបញ្ជូនឯកសារ ដំណើរការនិងសេវាកម្មរក្សាឯកសារ សេវាកម្មបច្ចេកវិទ្យា សេវាកម្មផ្តល់មជ្ឈមណ្ឌលទិន្នន័យ សេវាកម្មទូទាត់សាច់ប្រាក់ សេវាកម្មវិភាគទិន្នន័យ សេវាកម្មទីផ្សារនិងសេវាកម្មផ្សេងៗទៀតដែល ក្រុមហ៊ុន អេ អាយ អេ កម្ពុជា​ ជាប់ពាក់ព័ន្ធជាមួយ ប៉ុន្តែមិនរួមបញ្ចូលធនាគារ ក្រុមហ៊ុនកាតឥណទាន ទីភ្នាក់ងារឥណទាន អ្នកស៊ើបអង្កេត អ្នកធានារ៉ាប់រងបន្ត មន្ទីរពេទ្យនិងគ្លីនិកជាដើម
• ស្ថាប័នផ្តល់សេវាកសុខភាព​ និងធានារ៉ាប់រង
• បុគ្គលដែលជាសមាជិកក្រុមហ៊ុន​ អេ អាយ អេ កម្ពុជា
• ក្រុមហ៊ុនទាំងឡាយណាដែលបានជួយប្រមូលទិន្នន័យរបស់អ្នក ឬប្រាស្រ័យទាក់ទងជាមួយអ្នក​ ដូចជាក្រុមហ៊ុនធ្វើការស្រាវជ្រាវ ​  និងទីភ្នាក់ងារផ្តល់ការវាយតម្លៃ ដើម្បីអភិវឌ្ឍសេវាកម្មឲ្យបានប្រសើរជូនអ្នក។
• អ្នកប្រឹក្សាជំនាញដែលមានវិជ្ជាជីវៈរបស់យើងដូចជា​ មេធាវី និងសវនកររបស់យើង។
• ភ្នាក់ងារអនុវត្តច្បាប់ ក្រុមប្រឹក្សាភិបាលតាមច្បាប់បទប្បញ្ញត្តិរដ្ឋាភិបាល អាជ្ញាធររដ្ឋាភិបាលដែលមានទំនួលខុសត្រូវក្នុងការដោះស្រាយវិវាទ ឬ ស្ថាប័នឧស្សាហកម្មដើម្បីអនុវត្តតាមច្បាប់ បទបញ្ជា កិច្ចព្រមព្រៀងឬគម្រោងណាមួយ។
• ភាគីណាមួយដែលអ្នកបានព្រមព្រៀងក្នុងការបង្ហាញទិន្នន័យផ្ទាល់ខ្លួនរបស់អ្នក និង ភាគីផ្សេងៗទៀតដែលត្រូវបានអនុញ្ញាតក្រោមច្បាប់អនុវត្ត។

យើងអាចទិញឬលក់អាជីវកម្មមួយ ឬច្រើននៃអាជីវកម្មរបស់យើង (ឬផ្នែកណាមួយ) នៅក្នុងកំឡុងពេលណាមួយ​​ ក្រោមការអនុញ្ញាតដោយច្បាប់។ ទិន្នន័យផ្ទាល់ខ្លួនរបស់អ្នកអាចនឹងត្រូវបានផ្ទេរ ឬបញ្ចេញជាផ្នែកមួយនៃការទិញឬលក់ ឬការស្នើសុំទិញឬលក់។ ប្រសិនបើយើងទិញអាជីវកម្មណាមួយ ទិន្នន័យផ្ទាល់ខ្លួនដែលទទួលបានជាមួយនឹងអាជីវកម្មនោះ នឹងត្រូវបានចាត់ទុកតាមការអនុលោមនៃ គោលការណ៍នេះ ប្រសិនបើវាគឺជាការអនុវត្តន៍និងការអនុញ្ញាតឲ្យធ្វើដូច្នេះ។

ក្រោមការអនុញ្ញាតដោយច្បាប់ ទិន្នន័យផ្ទាល់ខ្លួនរបស់អ្នកអាចត្រូវបានផ្តល់ឲ្យភាគីខាងលើដែលមានទីតាំង ស្ថិតនៅក្នុងប្រទេសកម្ពុជាឬ នៅក្រៅប្រទេសកម្ពុជា។  ទិន្នន័យផ្ទាល់ខ្លួនរបស់អ្នកអាចត្រូវបានផ្ទេរ រក្សាទុក និងដំណើរការនៅក្នុងប្រទេសកម្ពុជា ឬផ្នែកណាមួយផ្សេងទៀតដែលជាកន្លែងយុតាធិកា (ស្ថាប័នក្រុមប្រឹក្សាច្បាប់) របស់ ក្រុមហ៊ុន អេ អាយ អេ កម្ពុជា ក្រុមហ៊ុនបុត្រសម្ព័ន្ធនិងបុគ្គលពាក់ពន្ធ័របស់អេ អាយ អេ   ឬយុតាធិការ​​ដែលជាកន្លែងដែលអ្នកចុះកិច្ចសន្យារបស់ភាគីទីបី ដែលមានទីតាំងស្ថិតនៅ ឬមកពីភាគីទីបី ដែលជាអ្នកផ្តល់នូវសេវាកម្មផ្សេងៗ។ តាមរយៈការផ្តល់ឲ្យយើងនូវទិន្នន័យផ្ទាល់ខ្លួនរបស់អ្នក ឬ ការប្រើប្រាស់សេវាកម្មរបស់យើង ឬគេហទំព័រ ឬកម្មវិធីរបស់យើង អ្នកក៏បានព្រមព្រៀងផ្ទេរជូនទិន្នន័យ ក្រៅយុត្តាធិការ ទៅស្ថាប័នរបស់យើង ឬដើម្បីភាគីទីបីដែលយើងចែករំលែកទិន្នន័យដូចបានរៀបរាប់ខាងលើ។

ការព្រមព្រៀងសម្រាប់គោលបំណងផ្សព្វផ្សាយលើទីផ្សារ

ប្រសិនបើអ្នកបានព្រមព្រៀងជាមួយយើងដើម្បីទទួលបានព័ត៌មានពីទីផ្សារ និងការផ្សព្វផ្សាយផ្សេងៗតាមរយៈ សារអេឡិចត្រូនិច ឬ សារប្រៃសណីយ៍ ឬលេខទូរសព្ទ័របស់អ្នកនៅប្រទេសកម្ពុជា (តាមរយៈការទូរសព្ទ័ សារ ឬ ទូរសារ) យើងនឹងអាចទាក់ទងទៅអ្នកក្នុងកំឡុងពេលណាមួយតាមរយៈប្រពន្ធ័ទំនាក់ទំនងដែលអ្នកបានជ្រើសរើស ដូចជា លេខទូរសព្ទ័របស់អ្នកនៅប្រទេសកម្ពុជា ឬ សារអេឡិចត្រូនិច ឬ សារប្រៃសណីយ៍ ដើម្បីផ្តល់ជូនអ្នកនៅព័ត៌មានពីទីផ្សារ ការផ្សព្វផ្សាយផ្សេងៗ ឬ ព័ត៌មានថ្មីៗពីផលិតផល និងសេវាកម្មរបស់យើង។

យើងអាចនឺងស្នើរសុំកិច្ចព្រមព្រៀង ឬ ផ្តល់ដំណឹងផ្សេងបន្ថែមទៀតពីគោលបំណងនៃការប្រមូល ប្រើប្រាស់ និងបង្ហាញព័ត៌មានផ្ទាល់ខ្លួនរបស់អ្នកនៅក្នុងកំឡុងពេលណាមួយ យោងទៅតាមប្រភេទផលិតផល និង សេវាកម្មណាមួយ។

កិច្ចព្រមព្រៀងដែលអ្នកបានប្រគល់ជូនយើងសម្រាប់គោលបំណងផ្សព្វផ្សាយនឹងមិនរងផលប៉ះពាល់ ហើយនឹងបន្តមានប្រសិទ្ធិភាពទោះបីជាគម្រោងធានារ៉ាប់រងរបស់អ្នកត្រូវបានបញ្ចប់ លុះត្រាតែកិច្ចព្រមព្រៀង ត្រូវបានបញ្ឈប់ជាមួយនឹងការជូនដំណឹងជាលាយលក្ខណ៍អក្សរទុកជាមុន។

ផលវិបាកនៃការបញ្ឈប់កិច្ចព្រមព្រៀង

អ្នកអាចបញ្ឈប់កិច្ចព្រមព្រៀងសម្រាប់យើងប្រមូល ប្រើប្រាស់ និង បង្ហាញទិន្នន័យផ្ទាល់ខ្លួនរបស់អ្នក ដោយផ្តល់ជូន យើងនូវហេតុផលសមស្របណាមួយ។

ប្រសិនបើអ្នកបញ្ឈប់កិច្ចព្រមព្រៀងសម្រាប់យើងប្រមូល ប្រើប្រាស់ និងបង្ហាញទិន្នន័យផ្ទាល់ខ្លួនរបស់អ្នក ដោយផ្តល់ជូន នូវហេតុផលដែលមិនពាក់ពន្ធ័ទៅនឹងការផ្សព្វផ្សាយលើទីផ្សារ យើងក៏មិនអាចដំណើរការ​ ឬ​គ្រប់គ្រង គម្រោងការពាររបស់អ្នក ឬ​ គ្រប់គ្រងទំនាក់ទំនងគណនីរបស់អ្នកជាមួយ

យើង។ ប្រសិនបើមានករណីទាំងអស់នោះ កើតឡើង អ្នកនឹងតម្រូវអោយបញ្ឈប់ការប្រើប្រាស់គម្រោងទាំងអស់ដែលអ្នកកំពុងប្រើប្រាស់។ ទាំងអស់នោះ អាចផ្តល់គុណវិបត្តិដល់អ្នក ឬ​​​ អ្នកអាចបាត់បង់សិទ្ធិក្នុងការទទួលបាននូវប្រយោជន៍ពីគម្រោងការពាររបស់អ្នក ឬត្រូវបានតម្រូវអោយបង់ប្រាក់សំណងសម្រាប់ការបាត់បង់សិទ្ធិ ឬ​​ ពុំអាចស្នើសុំប្រើប្រាស់គម្រោងដែលមានអត្ថប្រយោជន៍ដូចដែលអ្នកធ្លាប់ប្រើប្រាស់បាន នៅថ្ងៃអនាគត។

អ្នកអាចបញ្ឈប់កិច្ចព្រមព្រៀង ក្នុងការផ្តល់សិទ្ធិឲ្យយើងប្រើប្រាស់ទិន្នន័យផ្ទាល់ខ្លួនរបស់អ្នក សម្រាប់គោលបំណងផ្សព្វផ្សាយលើទីផ្សារ និង បញ្ឈប់ការទទួលបានព័ត៌មានទីផ្សារផ្សេងៗពីយើង តាមរយៈរបៀបទំនាក់ទំនងដែលអ្នកស្នើសុំអោយដកចេញបន្ទាប់ពីរយៈពេលសមស្របណាមួយហើយបានអនុញាតឲ្យស្ថិតនៅក្រោមច្បាប់ឬ អនុលោមទៅតាម គោលការណ៍ផ្ទៃក្នុងរបស់យើង។

សូមបញ្ជក់ថា ការដកចេញនៃកិច្ចព្រមព្រៀង ក្នុងការផ្តល់សិទ្ធិអោយយើងប្រើប្រាស់ទិន្នន័យផ្ទាល់ខ្លួនរបស់អ្នក ​ ពុំមានផលប៉ះពាល់ដល់សិទ្ធិក្នុងការអនុវត្តន៍ផ្តល់ជូនលោកអ្នកនូវផលិតផល និងសេវាកម្មដែលស្នើរសុំ ឬជាវ ឬប្រើប្រាស់ ផលិតផល និងសេវាកម្មរបស់យើង។

ភាពត្រឹមត្រូវនៃទិន្នន័យ

ក្រុមការងាររបស់ អេ អាយ អេពឹងផ្អែកលើទិន្នន័យផ្ទាល់ខ្លួនរបស់អ្នកដើម្បីផ្ដល់ជូននូវផលិតផលនិងសេវាកម្មដែលសាកសមបំផុតសម្រាប់អ្នក ដូចនេះអ្នកត្រូវធានាថា ព័ត៌មានដែលអ្នកបានផ្តល់ជូនយើងគឺត្រឹមត្រូវ និង ពេញលេញគ្រប់ពេលវេលា។

អ្នកគួរចាំបាច់ផ្តល់ជូនព័ត៌មានថ្មីៗមកកាន់យើងអោយទាន់ពេលវេលា​​ ប្រសិនបើមានការផ្លាស់ប្តួរទៅលើទិន្នន័យផ្ទាល់ខ្លួនរបស់អ្នក។

ការប្រើប្រាស់ ​ Cookies

Cookies ​​គឺជាអត្តសញ្ញាណដែលបានកំណត់នៅលើកុំព្យូទ័រឬឧបករណ៍ផ្សេងទៀតរបស់អ្នកដោយប្រពន្ធ័ ប្រត្តិបត្តិការមេសម្រាប់គេហទំព័រ ដែលផ្ទុកដោយព័ត៌មានដែលអាចសម្គាល់បានពីម៉ាស៊ីនបម្រើដែលបានផ្តល់ Cookies ជូនអ្នក។

ក្រុមហ៊ុន អេ អាយ អេ អាចនឹងប្រើ Cookies ​ នៅលើគេហទំព័រមួយចំនួនដែលយើងរក្សាទុក។ ទិន្នន័យដែលប្រមូលបាន (រួមបញ្ចូលប៉ុន្តែ មិនកំណត់ចំពោះ អាសយដ្ឋាន IP របស់អ្នក (ឈ្មោះ Domain) កម្មវិធីមើលគេហទំព័រ ប្រភេទនិងការកំណត់ រចនាសម្ព័ន្ធកម្មវិធីមើលគេហទំព័ររបស់អ្នក​ ការកំណត់ភាសា ទីតាំងភូមិសាស្ត្រ ប្រព័ន្ធប្រតិបត្តិការ គេហទំព័រយោង និងមាតិកាដែលអ្នកចូលមើល និងរយៈពេលនៃដំណើរការមើលមាតិការទាំងអស់នោះ) នឹងត្រូវបានប្រើសម្រាប់ចងក្រងស្ថិតិសរុបអំពីរបៀបដែលអ្នកចូលមកកាន់ និងមើលគេហទំព័ររបស់យើងដើម្បីជួយឲ្យយើងយល់កាន់តែច្បាស់ពីរបៀបដែលយើងអាចកែលម្អទៅលើការប្រើប្រាស់របស់អ្នកនៅលើវា។

ព័ត៌មានទាំងអស់នឹងត្រូវបានប្រមូលដោយអនាមិក ហើយអត្តសញ្ញាណរបស់អ្នកនឹងមិនត្រូវបានបង្ហាញ លុះត្រាតែអ្នកបានចូលប្រើប្រាស់គេហទំព័រជាសមាជិក។ យើងប្រើទិន្នន័យបែបនេះសម្រាប់តែការកែប្រែ និងបង្កើនប្រសិទ្ធិភាពក្នុងការប្រើប្រាស់គេហទំព័រ។

Cookies ​​​នេះបានអនុញ្ញាតឲ្យគេហទំព័ររបស់យើងចងចាំអ្នកនិងយល់ពីតម្រូវការរបស់អ្នក រួចកែសម្រួលគេហទំព័រទៅតាមការចង់បានរបស់អ្នក។

Cookies ផ្សព្វផ្សាយពាណិជ្ជកម្ម និងអនុញ្ញាតឲ្យយើងផ្តល់នូវការផ្សព្វផ្សាយពាណិជ្ជកម្មនៅលើគេហទំព័រ ដែលអ្នកប្រើប្រាស់ដែលពាក់ព័ន្ធទៅអ្នក តាមរយៈការជ្រើសរើសពាណិជ្ជកម្មផ្សព្វផ្សាយប្រភេទណាដែលត្រូវទៅតាមចំណង់ចំនូលចិត្តរបស់អ្នក ឬ ជៀសវាងពីការបង្ហាញព័ត៌មានពាណិជ្ជកម្មដដែលៗ។

គេហទំព័រភាគច្រើនត្រូវបានគេបង្តើតឡើងដើម្បីទទួលយក Cookies។ ប្រសិនបើអ្នកមិនចង់ទទួលបាន Cookies អ្នកអាចបិទមុខងារនេះនៅក្នុងការកំណត់កម្មវិធីបើកគេហទំព័ររបស់អ្នក។

ដោយឡែក ប្រសិនជាអ្នកធ្វើដូច្នេះ អ្នកនឹងមិនអាចទទួលបាននូវប្រយោជន៍ពេញលេញនៃ គេហទំព័ររបស់យើង​​ ឬ​ លក្ខណៈមួយចំនួនរបស់គេហទំព័រអាចនឺងមិនដំណើរការបានត្រឹមត្រូវ។

ក្រុមហ៊ុន អេ អាយ អេ កម្ពុជា រក្សាសិទ្ធិក្នុងការបន្ថែម ផ្លាស់ប្តូរ ឬ កែប្រែគោលការណ៍ (ទិន្នន័យផ្ទាល់ខ្លួន) នេះនៅពេលណាមួយ និងដោយគ្មានការជូនដំណឹងទុកជាមុន ដោយត្រឹមតែផ្តល់ជូនព័ត៌មានពីការកែប្រែទាំងអស់នេះ។

ប្រសិនបើយើងសម្រេចចិត្តថា យើងនឹងធ្វើការផ្លាស់ប្តូរគោលការណ៍ណាមួយ ការផ្លាស់ប្តូរទាំងនោះនឹងត្រូវបានជូនដំណឹងនៅលើគេហទំព័ររបស់យើង ដើម្បីអោយលោកអ្នកយល់ច្បាស់អំពីរបៀបប្រមូល និងទន្នន័យដែលយើងទទួលបាន ព្រមទាំងរបៀបប្រើប្រាស់ទិន្នន័យទៅតាមកាលៈទេសៈផ្សេងៗ។ ការផ្លាស់ប្តូរបែបនេះ នឹងមានប្រសិទ្ធិភាពដូចដែលបានចែងនៅក្នុងគោលការណ៍នេះ។

ទំនាក់ទំនងមកកាន់យើង

អ្នកមានសិទ្ធិចូលប្រើប្រាស់ និងស្នើសុំសម្រាប់ការកែតម្រូវនៃទិន្នន័យផ្ទាល់ខ្លួនរបស់អ្នក និងបញ្ឈប់ការព្រមព្រៀងសម្រាប់ដើម្បីអោយយើងប្រមូល ប្រើប្រាស់ និងបង្ហាញទិន្នន័យផ្ទាល់ខ្លួនរបស់អ្នក។ យើងអាចគិតប្រាក់កម្រៃសេវាសម្រាប់ការស្នើសុំការចូលដំណើរការទិន្នន័យ។ អ្នកអាចចូលប្រើប្រាស់គណនីផ្ទាល់ខ្លួនរបស់អ្នក តាមរយៈ ប្រពន្ធ័អេឡិចត្រូនិច ឬនៅលើគេហទំព័រ អេ អាយ អេ  កម្ពុជា។

បុគ្គលដែលទទួលបានធានារ៉ាប់រងនៅក្រោមគោលការណ៍របស់យើង អាចស្នើរសុំចូលដំណើរការ និងកែតម្រូវ តាមរយៈ ប្រព័ន្ធអេឡិចត្រូនិចអត្ថប្រយោជន៍ e-Benefits នៅលើគេហទំព័ររបស់ក្រុមហ៊ុន អេ អាយ អេ កម្ពុជា ឬតាមរយៈនិយោជករបស់អ្នក។

នៅក្នុងករណីផ្សេងៗទៀត ការដាក់ពាក្យស្នើសុំសម្រាប់ដកសិទ្ធិព្រមព្រៀង ប្រើប្រាស់ឬកែតម្រូវទិន្នន័យផ្សេងៗ​​​ អាចធ្វើទៅបានតាមរយៈប្រពន្ធ័អេឡិចត្រូនិច​ e-Care ឬ សរសេរសារជាលិខិតមកកាន់អាស័យដ្ឋានដូចខាងក្រោម៖

ទំនាក់ទំនងមជ្ឈមណ្ឌលសេវាអតិថិជនរបស់​ អេ អាយ អេ កម្ពុជា

ជាន់ទី12 អាគារ Exchange Square

ផ្លូវលេខ 106 កែងផ្លូវលេខ 61  សង្កាត់វត្តភ្នំ ខណ្ឌដូនពេញ

រាជធានីភ្នំពេញ ព្រះរាជាណាចក្រកម្ពុជា

សម្រាប់សំណួរពាក់ពន្ធ័ទៅនឹងបញ្ហាទិន្នន័យផ្ទាល់ខ្លួន អ្នកអាចសរសេរទៅកាន់៖

មន្ត្រីផ្នែកការពារទិន្នន័យរបស់អេ អាយ អេ កម្ពុជា

អេ អាយ អេ (ខេមបូឌា) ឡាយហ្វ៍ អុិនសួរេន ម.ក

ជាន់ទី12 អាគារ Exchange Square

ផ្លូវលេខ 106 កែងផ្លូវលេខ 61  សង្កាត់វត្តភ្នំ ខណ្ឌដូនពេញ

រាជធានីភ្នំពេញ ព្រះរាជាណាចក្រកម្ពុជា

Email: kh.dpo@aia.com

សម្រាប់ព័ត៌មានបន្ថែម

ប្រសិនបើអ្នកមានចម្ងល់ផ្សេងៗពាក់ពន្ធ័ទៅនឹងគោលការណ៍នេះ ឬចង់ស្វែងរកព័ត៍មានបន្ថែមពីការប្រើប្រាស់ប្រពន្ធ័ទិន្នន័យផ្ទាល់ខ្លួនរបស់​​ អេ អាយ អេ ខេមបូឌា សូមទាក់ទងមកកាន់យើងតាមរយៈប្រពន្ធ័ទំនាក់ទំនងដែលមានខាងលើ។