អបអរសាទរ 8 ឆ្នាំនៃវឌ្ឍនភាព

យើងខ្ញុំប្រារព្ធខួប 8ឆ្នាំជាមួយមោទនភាព ដែលបង្ហាញពីដំណើរនៃការប្តេជ្ញាចិត្តឥតងាករេក្នុងការលើកកម្ពស់គុណភាពជីវិតរបស់ប្រជាជនកម្ពុជា និងសុខភាពសហគមន៍។

ក្នុងរយៈពេល 8ឆ្នាំកន្លងមកនេះ យើងខ្ញុំបានបោះជំហានទៅមុខយ៉ាងរហ័ស បានក្លាយជាដៃគូផ្តល់សន្តិភាពផ្លូវចិត្ត និងទំនុកចិត្តដល់បុគ្គល និងគ្រួសាររាប់សែននាក់ តាមរយៈបំពេញតម្រូវការលើការការពារ និងផ្នែកហិរញ្ញវត្ថុ ដែលអនុញ្ញាតឱ្យអតិថិជនរបស់ខ្លួនអាចផ្តោតលើអ្វីដែលសំខាន់បំផុតដើម្បីសម្រេចគោលដៅជីវិតរបស់ខ្លួន។

ចាប់តាំងពីបើកដំណើរការក្នុងព្រះរាជាណាចក្រកម្ពុជានៅឆ្នាំ 2017 យើងខ្ញុំ មានបេសសកម្ម និងគោលបំណង ជាក់លាក់មួយ នោះគឺជួយប្រជាជនកម្ពុជាឱ្យរស់នៅប្រកបដោយសុខភាព និងជីវិតកាន់តែប្រសើរ។ ដំណើរតាមគន្លងនៃ បេសកកម្មជាមួយការប្តេជ្ញាចិត្តយ៉ាងមោះមុតក្នុងរយៈពេល 8ឆ្នាំកន្លងមកនេះ ធ្វើឱ្យយើងខ្ញុំ ក្លាយជាក្រុមហ៊ុនធានារ៉ាប់រងអាយុជីវិត និងសុខភាពឈានមុខគេនៅកម្ពុជា តាមរយៈដំណោះស្រាយធានារ៉ាប់រងប្រកបដោយភាពច្នៃប្រឌិត និងសេវាកម្មល្អឥតខ្ចោះ ដើម្បីបំពេញតម្រូវការអតិថិជនគ្រប់មជ្ឈដ្ឋាន។

ដំណោះស្រាយ និងការផ្តល់អត្ថប្រយោជន៍ពិតៗ

ទិន្នន័យនៃលទ្ធផលលើដំណោះស្រាយហិរញ្ញវត្ថុរបស់ អេ អាយ អេ ខេមបូឌា ត្រូវបានបង្ហាញតាមរយៈបទពិសោធរបស់អតិថិជន ក្នុងការជួយឱ្យពួកគាត់ទទួលបានសន្តិភាពផ្លូវចិត្ត និងលំនឹងហរិញ្ញវត្ថុ។ នៅក្នុងឆ្នាំទី 8 នេះ អេ អាយ អេ ខេមបូឌា បានផ្តល់ ការការពារលើដំណោះស្រាយហិរញ្ញវត្ថុដល់គ្រួសារជាង 130,000គ្រួសារ ដោះស្រាយករណីទាមទារសំណងចំនួន 27,000ករណី និងបានផ្តល់អត្ថប្រយោជន៍និងសំណងជូនអតិថិជនសរុបជាង 10,000,000 ដុល្លារ។

គ្រួសារជាច្រើនទទួលបាន ភាពកក់ក្តៅ និងមានក្តីសង្ឃឹមឡើងវិញតាមរយៈការជ្រោមជ្រែងពីក្រុមហ៊ុនអំឡុងពេលប្រឈមនឹងកាលៈទេសៈដ៏លំបាកបំផុតក្នុងជីវិត។ សាច់រឿងគ្រប់រសជាតិ ដែលមានទាំងភាពអំណត់អត់ធ្មត់ និងតស៊ូដើម្បីយកឈ្នះ បានបង្ហាញអំពីការសន្យាចំពោះបេសកកម្មរបស់ យើងខ្ញុំ ក្នុងការជួយគាំទ្រយ៉ាងខ្ជាប់ខ្ជួនដើម្បីពង្រឹងសុវត្ថិភាពហិរញ្ញវត្ថុ សន្តិភាពផ្លូវចិត្ត និងការគាំទ្រដល់សហគមន៍។

ការផ្តល់ជូនពិសេសកំឡុងពេលប្រារព្ធខួប 8ឆ្នាំ

ការផ្តល់ជូនក្នុងឱកាស ខួប 8 ឆ្នាំ របស់ អេ អាយ អេ ខេមបូឌា!

សន្សំបានរហូតដល់ 15% បន្ថែមលើ បទពិសោធដំណើរកម្សាន្តទៅទីក្រុងហុងកុង ឬទៅទីក្រុងឡុងដ៍ នៅពេលទទួលយកការការពារហិរញ្ញវត្ថុ ចាប់ពីថ្ងៃទី 1 ដល់ 31 ឧសភា ឆ្នាំ 2025។