តើអ្វីទៅជាជំងឺមហារីកសុដន់?

ជំងឺមហារីកសុដន់ ជាជំងឺដែលបណ្តាលមកពីកកោសិការបស់សរីរាង្គកាយដុះលូតលាស់ខុសប្រក្រតី។ ដែលចាប់ផ្តើមកើតឡើងនៅក្នុងសុដន់ បង្កើតជាដុំជាលិកាធំមួយដែលហៅថាដុំសាច់សុដន់។ ជំងឺមហារីកសុដន់ជាប់លំដាប់លេខ ២ នៃជំងឺមហារីករបស់ស្ត្រី។ ការរកឃើញជំងឺមហារីកសុដន់ទាន់ពេលវាលានៅដំណាក់កាលដំបូងៗ អាចជួយជីវិតអ្នកបាន!

ហេតុអ្វីបានជាពិនិត្យសុដន់មានសារៈសំខាន់?

ព្រោះបើសិនជាយើងពិនិត្យជាប្រចាំ ហើយរកឃើញថាមានភាពមិនប្រក្រតីណាមួយ យើងនឹងអាចមានវិធានការ និងការព្យាបាលបានទាន់ពេលវេលា ដែលអាចជួយជីវិតអ្នកបាន។

តើគួរពិនិត្យរកមើលជំងឺមហារីកសុដន់នៅអាយុប៉ុន្មាន? 

ការពិនិត្យសុដន់ដោយខ្លួនឯងគឺធ្វើឡើងចាប់ពីនៅអាយុ 20ឆ្នាំឡើងទៅ។

វីធីសាស្រ្តអ្វីដែលស្រី្តគួរយល់ដឹងដើម្បីទប់ស្កាត់ការពារជំងឺមហារីកសុដន់មានដូចជា៖

1. រក្សាទម្ងន់ឲ្យបានល្អ កុំឲ្យឡើងចុះខ្លាំងពេក
2. ហាត់ប្រាណជាប្រចាំ
3. ញ៉ាំអាហារដែលជំនួយដល់សុខភាព
4. ជៀសវាងពិសារបារី និងស្រា
5. បំបៅកូនដោយទឹកដោះ ប្រសិនបើអាចធ្វើបាន
6. ប្រើប្រាស់ថ្នាំពន្យារកំណើត ឬថ្នាំផ្សេងៗដោយមានណែនាំត្រឹមត្រូវ
7. ពិនិត្យជាប្រចាំតាមការណែនាំរបស់គ្រូពេទ្យជំនាញ