យើងរីករាយ​ក្នុង​ការ​ចាប់​ផ្តើមគម្រោងទីលាន​បាល់ទាត់១០០ ជាការ​​អបអរខួប១០០ឆ្នាំ ដើម្បីការប្តេជ្ញា១ របស់​យើង។ AIA ប្តេជ្ញាជួយឲ្យ​ប្រជាជនកម្ពុជាទទួល​បាន​សុខភាព និងជីវិតកាន់តែ​ប្រសើរ។

លោក Richard Bates អគ្គនាយកក្រុមហ៊ុនយើង បានមានប្រសាសន៍ថា «យើងមានមោទនភាពដែលបានក្លាយជាទីផ្សារ AIA ទីមួយ សម្រាប់ការអបអរទំព័រប្រវត្តិសាស្ត្រដ៏សំខាន់មួយនេះរបស់សម្ព័ន្ធ AIA។ នេះគឺជាដំណើរពេញ១០០ឆ្នាំ ដែលបានធ្វើឲ្យជីវិតមនុស្សរាប់លាននាក់កាន់តែប្រសើរឡើង។ ឆ្លៀតក្នុងឱកាសនេះ ខ្ញុំរីករាយនឹងអបអរខួប១០០ឆ្នាំដោយដាក់ឲ្យដំណើរការនូវគម្រោង “ទីលានបាល់ទាត់១០០” ដែលនឹងផ្តល់ការកែលម្អតារាងបាល់ទាត់ឲ្យសាលារៀនចំនួន១០០សាលាទូទាំងកម្ពុជា តាមរយៈការផ្តល់ជូនសម្ភារជាច្រើន ដើម្បីបណ្តុះក្តីស្រឡាញ់សម្រាប់កីឡា និងការរស់នៅប្រកបដោយសុខភាពល្អឲ្យក្មេងៗជំនាន់ក្រោយ»។

គម្រោង “ទីលានបាល់ទាត់១០០” របស់ អេ អាយ អេ ខេមបូឌា នេះ នឹង​ផ្តល់ជូនសាលាបឋមសិក្សាចំនួន១០០ ទូទាំងប្រទេសកម្ពុជា​នូវ បង្គោលទី២ ក្តារអមតារាង៤ បាល់១០គ្រាប់ អាវកាក់៣០ និងកោណហាត់បាល់៤០ សម្រាប់សាលានីមួយៗ។ សាធារណៈជន ឬសាលាបឋមសិក្សាដែល​ត្រូវ​នឹង​លក្ខខណ្ឌខាងក្រោម។

លក្ខខណ្ឌ​ដាក់ពាក្យស្នើសុំ សម្រាប់​សាលាបឋមសិក្សា៖

• ត្រូវ​មានកាលវិភាគសិក្សាផ្នែក​កីឡា ដែល​ត្រូវ​ការ​ប្រើប្រាស់តារាងបាល់ទាត់ (ឧ. ម៉ោងហ្វឹកហាត់កីឡាប្រចាំសប្តាហ៍ ឬពេល​វេលាប្រកួតប្រចាំអំឡុងណាមួយជាក់លាក់)
• ត្រូវ​មានគ្រូកីឡា ឬបុគ្គលិកសាលា ដើម្បី​គ្រប់​គ្រង​សម្ភារដែលនឹងផ្តល់ជូន
• ត្រូវ​មាន​ក្រុម​សិស្សានុសិស្សក្នុងសាលាផ្ទាល់ ដែល​នឹង​ត្រូវ​ការ​សម្ភារទាំង​នេះ​សម្រាប់​ការ​ហ្វឹក​ហាត់ ឬការប្រកួត​ជាប្រចាំ