យើងយកចិត្តទុកដាក់អតិថិជនចេញពីបេះដូង។ ហេតុដូចនេះហើយ អនុញ្ញាតឱ្យយើងចូលរួមអបអរខួបកំណើតរបស់លោកអ្នក ជាមួយនឹងការផ្តល់ជូននូវនំខួបកំណើតដែលមានការច្នៃជាពិសេសសម្រាប់លោកអ្នក មកពីហាងនំ Butterfly Patisserie របស់សណ្ឋាគារ រ៉ូសវូដ ភ្នំពេញ។
ខួបកំណើត
កំណត់សម្គាល់សំខាន់៖
- សមាជិក AIA Prestige Club នីមួយៗមានសិទ្ធិទទួលបាននំខេកខួបកំណើត ឬនំខូគី ដែលរៀបចំជាពិសេសសម្រាប់លោកអ្នកដោយ អេ អាយ អេ ពីហាងនំ Butterfly Patisserie របស់សណ្ឋាគារ រ៉ូសវូដ ភ្នំពេញ ម្តងក្នុងមួយឆ្នាំ ក្នុងខែខួបកំណើតរបស់សមាជិកនីមួយៗ។
- សមាជិកដែលរស់នៅទីក្រុងភ្នំពេញនឹងទទួលបាននំខេកខួបកំណើតមួយ ខណៈដែលសមាជិកដែលរស់នៅខេត្តនឹងទទួលបាននំខូគីខួបកំណើតមួយប្រអប់។
- នំខេកខួបកំណើត ឬនំខូគី នឹងត្រូវបានយកជូនដោយទីប្រឹក្សាផែនការជីវិតរបស់លោកអ្នក តាមកាលវិភាគណាត់ជួបដែលលោកអ្នកយល់ព្រម ក្នុងខែខួបកំណើតរបស់លោកអ្នក។
- សមាជិកមានសិទ្ធិបដិសេធក្នុងការទទួលយក ឬសិទ្ធិនេះក្នុងការទទួលយកត្រូវបានលុបចោលដោយស្វ័យប្រវត្តិ ក្នុងករណីសមាជិកមិនបញ្ជាក់កាលវិភាគណាត់ជួប ឬមិនអាចទាក់ទងបានក្នុងរយៈពេលមានសុពលភាពណាមួយ (មួយខែមុនខែខួបកំណើតរបស់សមាជិក)។
- នំខេកខួបកំណើត ឬនំខូគី មិនអាចប្តូរជាសាច់ប្រាក់ ឬការផ្តល់ជូនផ្សេងទៀតបានទេ។
- នំខេកខួបកំណើត ឬនំខូគី ត្រូវបានផលិតដោយ Butterfly Patisserie របស់សណ្ឋាគារ រ៉ូសវូដ ភ្នំពេញ ហើយ អេ អាយ អេ មិនទទួលខុសត្រូវចំពោះរសជាតិ និងគុណភាពនៃវានោះទេ។ អេ អាយ អេ នឹងទទួលយកមតិយោបល់ និងពាំនាំមតិទាំងអស់នោះទៅខាងហាងនំ ប្រសិនបើមាន។
- ក្នុងករណីសមាជិកផ្លាស់ប្តូរកាលវិភាគណាត់ជួបទៅលឿនជាងគ្រាដើម ការរៀបចំនំខេកខួបកំណើត ឬនំខូគី ឱ្យទាន់ពេលវេលានឹងត្រូវបានបញ្ជាក់ដោយខាងហាងនំ។ ក្នុងករណីសមាជិកផ្លាស់ប្តូរកាលវិភាគណាត់ជួបទៅពេលក្រោយជាងគ្រាដើម វាត្រូវតែនៅក្នុងខែខួបកំណើតរបស់សមាជិក។
- ឯកសិទ្ធិនៃអត្ថប្រយោជន៍នេះមិនអាចផ្ទេរទៅឱ្យអ្នកដទៃផ្សេងក្រៅពីសមាជិក AIA Prestige Club ដែលទទួលបានឯកសិទ្ធិនៃអត្ថប្រយោជន៍នេះឡើយ។ ឯកសិទ្ធិនៃអត្ថប្រយោជន៍នេះ ស្ថិតនៅក្រោម ខ និងលក្ខខណ្ឌនៃ AIA Prestige Club។ សូមចុចទីនេះ សម្រាប់ព័ត៌មានលម្អិត។
- ឯកសិទ្ធិនៃអត្ថប្រយោជន៍ណាដែលផ្តល់ដោយ AIA Prestige Club ហើយនិង/ឬ ដៃគូ ហើយនិង/ឬ អ្នកផ្គត់ផ្គង់សេវាកម្មនៃឯកសិទ្ធិនៃអត្ថប្រយោជន៍ដែលពាក់ព័ន្ធ អាចនឹងត្រូវបានផ្លាស់ប្តូរ ផ្អាក ហើយនិង/ឬ បញ្ឈប់ដោយ អេ អាយ អេ ដោយពុំចាំបាច់ជូនដំណឹងជាមុន។ ក្នុងករណីមានវិវាទណាមួយ សេចក្តីសម្រេចរបស់ អេ អាយ អេ នឹងត្រូវជាការសម្រេចសរុប និងចុងក្រោយ។
- អេ អាយ អេ រក្សាសិទ្ធិក្នុងការផ្លាស់ប្តូរ ឬមិនបន្ត AIA Prestige Club តាមការសម្រេចចិត្តតែមួយគត់របស់យើង ដោយមាន ឬគ្មានការជូនដំណឹងជាមុន។
- ក្នុងករណីមានភាពមិនស្របគ្នារវាង ខ និងលក្ខខណ្ឌ ជាភាសាអង់គ្លេសនិងភាសាខ្មែរ ឯកសារជាភាសាអង់គ្លេសនឹងមានប្រសិទ្ធិភាព។
“អេ អាយ អេ” ដែលបានរៀបរាប់នៅទីនេះ សំដៅលើ ក្រុមហ៊ុនធានារ៉ាប់រងអាយុជីវិត អេ អាយ អេ ខេមបូឌា ភីអិលស៊ី។