ដំឡូងជ្វា សម្បូរទៅដោយសារជាតិបេតាការ៉ូទីន ដែលជាសារធាតុប្រឆាំងអុកស៊ីតកម្មចម្បងមួយ រួមជាមួយវីតាមីន C និង B វីតាមីនស្រដៀងគ្នា សារជាតិដែក និង ផុសផុរុស ។
សារជាតិបំប៉នទាំងនេះ ជួយពង្រឹងភាពស៊ាំងនិងមេរោគរបស់រាង្គកាយ
និង ជួយការពាររាង្គកាយពីជំងឺផ្សេងៗជាច្រើន។

សារជាតិសសៃកម្រិតខ្ពស់ដែលមាននៅក្នុងដំឡូងជ្វា ជួយការពារជំងឺទល់លាមក
និង ជំរុញភាពទៀងទាត់នៃប្រព័ន្ធរំលាយអាហារនៅក្នុងខ្លួន ។
ដំឡូងជ្វាជួយកាត់បន្ថយការឈឺចាប់ក្នុងក្រពះ និង ពោះវៀនតូច។

ការសិក្សាមួយដែលធ្វើឡើងដោយ វិទ្យាស្ថានស្រាវជ្រាវផ្នែកម្ហូបអាហារ
និង អាហារូបត្ថម្ភបានរកឃើញថា ដំឡូងជ្វាពណ៌ស្វាយ
ជាពិសេស មានផ្ទុកនូវក្រុមកោសិកាប្រឆាំងអុកស៊ីតកម្ម ដែលជំនួយដល់ភ្នែក ។
ដោយសម្បូរដោយវីតាមីន A ដំឡូងជ្វា ក៏អាចធ្វើឲ្យ ភ្នែកដែលស្រវាំង មានភាពប្រសើរឡើងផងដែរ។

ការស្ងោរដំឡូងជ្វា មិនគ្រាន់តែជាវិធីសាស្រ្តសាមញ្ញក្នុងការចម្អិននោះទេ វាថែមទាំងរក្សាបាននូវសារជាតិអាហារូបត្ថម្ភ និង សារជាតិប្រឆាំងអុកស៊ីតកម្មដែលមាននៅក្នុងបន្លែផងដែរ។

ស្ងោរដំឡូងជ្វាដែលកាត់ជាកង់ៗ នៅក្នុងឆ្នាំងដាក់អំបិលមួយចិប រហូតដល់ផុយ រួចញ៉ាំតាមធម្មតា ឬ លាយជាមួយទឹកដោះគោជូ ឬ ហាន់ជាចំណិតៗលាយជាមួយស្លឹក cinnamon ។ តើញ៉ាំទាំងសម្បកមិនអីទេ? ទទួលបានអត្ថប្រយោជន៍បន្ថែមពីសារជាតិសសៃ និង ប៉ូតាស្យូម ប្រសិនបើអ្នកញ៉ាំទាំងសម្បក។

កាត់ដំឡូងជ្វាជាកង់ៗ លាបប្រេងអូលីវ និង ទឹកឃ្មុំ រួចដាក់ចូលក្នុងឡដុតប្រមាណពី ២៥ ទៅ ៣០ នាទី ។ ដំឡូងជ្វាឆ្អិនឡើងពណ៌ក្រហមដូចមាស ឯសម្បកក្រៅមានពណ៌ដូចស្ករតាំងម៉ែ ប៉ុន្តែសាច់ដំឡូងខាងក្នុងនៅតែទន់ និង ផ្អែម - ជាអាហារសម្រន់ ឬ អាហារបន្ថែមដ៏ល្អឥតខ្ចោះសម្រាប់សុខភាព។