អំពីដំណោះស្រាយធានារ៉ាប់រងអាយុជីវិត AIA ComCare

អត្ថប្រយោជន៍ការពារគ្រួសារ

ជាមួយនឹងដំណោះស្រាយធានារ៉ាប់រងអាយុជីវិត AIA ComCare ក្រុមគ្រួសារសមាជិករបស់អ្នកអាចទទួលបានសំណង 100% នៃទឹកប្រាក់ធានារ៉ាប់រងសម្រាប់អត្ថប្រយោជន៍នេះ ក្នុងករណីមានហេតុការណ៍អកុសល្យណាមួយ ដែលបណ្តាលឲ្យសមាជិកណាម្នាក់ចាកចេញដោយមិនបានព្រាងទុក។ នេះក៏នឹងធានាថា គ្រួសាររបស់ពួកគេទទួលបានការការពារយ៉ាងពេញលេញ៖ តម្រូវការហិរញ្ញវត្ថុនៅតែត្រូវបានបំពេញស្ថេរភាពហិរញ្ញវត្ថុរបស់ពួកគេនៅតែមាន ហើយអនាគត និងក្តីស្រមៃរបស់កូនៗពួកគេ នៅតែអាចសម្រេចបាន។

អត្ថប្រយោជន៍លើការស្តារនីតិសម្បទា

ជាមួយនឹងដំណោះស្រាយធានារ៉ាប់រងអាយុជីវិត AIA ComCare សមាជិករបស់អ្នកអាចទទួលបានថវិកា សម្រាប់ការស្តារនីតិសម្បទា និងទប់ទល់លើការចំណាយជាប្រចាំក្នុងកំឡុងពេលនេះ។

អត្ថប្រយោជន៍សម្រាប់ការសម្រាកក្នុងមន្ទីរពេទ្យ

អត្ថប្រយោជន៍សម្រាប់ការសម្រាកក្នុងមន្ទីរពេទ្យសម្រាប់សមាជិករបស់យើងខ្ញុំ ពិតជាមានសារៈសំខាន់ណាស់ក្នុងករណីទាំងនេះ ដើម្បីរ៉ាប់រងលើការចំណាយរបស់សមាជិកអ្នក ទៅលើសេវាវេជ្ជសាស្ត្រជាច្រើន។ ក្នុងនោះរួមមាន ការទូរស័ព្ទស្វែងរកមន្ទីរពេទ្យដែលនៅជិតបំផុតការស្នាក់នៅមន្ទីរពេទ្យច្រើនថ្ងៃ រហូតដល់ការប្រើប្រាស់ឧទ្ធម្ភាគចក្រសង្គ្រោះបន្ទាន់កំឡុងពេលធ្វើដំណើរក្រៅប្រទេស ទូទាំងពិភពលោក 24 ម៉ោងក្នុងមួយថ្ងៃ 7 ថ្ងៃក្នុងមួយសប្តាហ៍។

អត្ថប្រយោជន៍សម្រាប់ការព្យាបាលជំងឺ

ដំណោះស្រាយធានារ៉ាប់រងអាយុជីវិត AIA ComCare ការពារលើថ្លៃព្យាបាល 26 ស្ថានភាព នៃជំងឺធ្ងន់ធ្ងរសំខាន់ៗ រួមមាន  ជំងឺមហារីក  ជំងឺដាច់សរសៃឈាមខួរក្បាល ជំងឺថ្លើម ជំងឺសួត ជំងឺបេះដូង ជំងឺក្រលៀន និងជំងឺលំពែង ចាប់តំាងពីដំណាក់កាលដំបូងដល់ដំណាក់កាលចុងក្រោយ ទំាងក្នុង និងក្រៅប្រទេស។ 

ប្រសិនបើសមាជិករបស់អ្នក ត្រូវបានវិនិច្ឆ័យថាមានជំងឺណាមួយដែលបានរៀបរាប់ខាងលើនេះ AIA  នឹងផ្តល់ប្រាក់សំណងត្រូវជា 100% នៃទឹកប្រាក់ធានារ៉ាប់រងសម្រាប់អត្ថប្រយោជន៍នេះ។ យើងខ្ញុំនឹងផ្តល់ជូនសំណងមួយផ្នែកសម្រាប់ការព្យាបាលលើជំងឺធ្ងន់ធ្ងរដំណាក់កាលដំបូង ប្រសិនបើមិនមានសំណងសម្រាប់អត្ថប្រយោជន៍នេះពីមុនមក។   

អត្ថប្រយោជន៍លើមរណភាព និងរបួសដោយគ្រោះថ្នាក់ចៃដន្យ

បន្ថែមពីលើអត្ថប្រយោជន៍ការពារគ្រួសារ និងអត្ថប្រយោជន៍លើការស្តារនីតិសម្បទា សម្រាប់សមាជិក ក្នុងករណីចៃដន្យចាំបាច់ទាំងនេះដំណោះស្រាយធានារ៉ាប់រង  AIA ComCare នឹងផ្តល់ជូនអត្ថប្រយោជន៍សម្រាប់គ្រោះថ្នាក់ និងរបួសដោយចៃដន្យដែលជាសំណងបន្ថែមជួយសមាជិកអ្នកសម្រាប់ការចំណាយលើហេតុការណ៍អកុសលនេះបាន។ ទឹកប្រាក់ធានារ៉ាប់រងនៃអត្ថប្រយោជន៍នេះ អាចមានទំហំដល់ទៅ 5 ដងនៃអត្ថប្រយោជន៍ការពារគ្រួសារសម្រាប់សមាជិក។