តើប្រព័ន្ធរំលាយអាហារជាអ្វី?
អ្វីដែលមើលមិនឃើញដោយភ្នែកទទេ អាចជាកូនសោរសុខភាព និង សុខមាលភាពរបស់យើង ។ ពោះវៀន ប្រព័ន្ធរំលាយអាហារនៃពោះវៀនគឺ ពោះវៀនធំ - វាអាចនឹងមានឈ្មោះច្រើន ប៉ុន្តែតួនាទីនៃប្រព័ន្ធរំលាយអាហារគឺតែមួយ គឺកិនអាហារដែលយើងញាំ និង ជួយរាង្គកាយស្រូបយកអាហារូបត្ថម្ភ។
ហេតុអ្វីការថែទាំប្រព័ន្ធរំលាយអាហារមានសារៈសំខាន់?
ជារឿងគួរឲ្យភ្ញាក់ផ្អើលខ្លាំង ហើយប្រហែលដោយសារតួនាទីបែងចែកអាហារូបត្ថម្ភដល់រាង្គកាយ ពោះវៀនក៏បានចូលរួមក្នុងមុខងារដំណើរការផ្សេងៗរបស់រាង្គកាយ ។ ក្នុងន័យនេះ សុខភាពរាង្គកាយ ត្រូវពឹងផ្អែកលើសុខភាពរបស់ពោះវៀន! នៅពេលដែលប្រព័ន្ធរំលាយរបស់ពោះវៀន មានសុខភាពល្អ រាង្គកាយរបស់យើងទាំងមូល ក៏មានសុខភាពល្អផងដែរ។
- សុខភាពពោះវៀន គឺជាកូនសោនៃសុខភាពប្រព័ន្ធរំលាយអាហារ នៅពេលដែលអ្នកមានពោះវៀនដែលមានសុខភាពល្អ ជាលិកាស្រទាប់ខាងក្នុងនៃពោះវៀននឹងមានកម្លាំងខ្លាំង និង មានបាក់តេរីល្អសម្រាប់ទ្រទ្រង់សុខភាព ដូចនេះតួនាទីនៃប្រព័ន្ធរំលាយអាហាររបស់អ្នក ពិតជាមានភាពល្អប្រសើរច្រើន ។ អ្នកបានជួបបញ្ហាឈឺក្រពះ និង ប្រព័ន្ធរំលាយអាហារបន្តិចបន្តួច និង មានចលនាពោះវៀនជាប្រចាំ ។ ពោះវៀនដែលមានសុខភាពល្អ ក៏មានន័យថា អ្នកមិនអាចកើតជំងឺរលាកពោះវៀន (IBS) និង ជំងឺគ្រុនពោះវៀនផងដែរ។
- សុខភាពរបស់ពោះវៀន ត្រូវពឹងផ្អែកលើ កម្លាំងនៃប្រព័ន្ធការពាររាង្គកាយ អ្នកអាចមិនដឹងអំពីបញ្ហានេះ ប៉ុន្តែប្រព័ន្ធការពាររាង្គកាយរបស់អ្នក សហការណ៍យ៉ាងជិតស្និទ្ធិជាមួយពោះវៀន ។ មនុស្សដែលមានពោះវៀនល្អ និង ប្រព័ន្ធការពាររាង្គកាយល្អ បានផ្ដល់កម្លាំងដល់រាង្គកាយក្នុងការប្រយុទ្ធប្រឆាំងនិងមេរោគ ក្នុងពេលកើតជំងឺ ។ ទោះជាយ៉ាងនេះក្ដី នៅពេលសុខភាពរបស់ពោះវៀនមិនដំណើរការបានល្អត្រឹមត្រូវនោះទេ ប្រព័ន្ធការពាររាង្គកាយអាចចុះខ្សោយជាងធម្មតា ហេតុដូចនេះអាចធ្វើឲ្យការជាសះស្បើយពីជំងឺត្រូវការរយៈពេលយូរ។
- សុខភាពរបស់ពោះវៀនអាចជាកូនសោរសម្រាប់សម្អាតស្បែក។
ក្នុងករណីមួយចំនួន បាក់តេរីអាក្រក់មួយចំនួនធំ នៅក្នុងពោះវៀន អាចបណ្ដាលឲ្យកើតឡើងនូវស្ថានភាពមួយដែលហៅថា រោគសញ្ញាដាច់រលាត់ពោះវៀន ។ បញ្ហានេះកើតឡើងនៅពេលដែលបាក់តេរីអាក្រក់ ពង្រីករន្ធនៃប្រព័ន្ធរំលាយអាហារនៅក្នុងពោះវៀន ធ្វើឲ្យជាតិពុលហូរចូលទៅក្នុងចរន្តឈាម ។ ចំណុចនេះបង្កើនហានិភ័យនៃជំងឺដែលទាក់ទងនិងស្បែក ដូចជាមុន ជាដើម។
អាការៈដែលបង្ហាញថា ប្រព័ន្ធរំលាយអាហារត្រូវការការថែទាំ
ទាំងនេះ គឺអាការៈទូទៅមួយចំនួន ដែលអាចបញ្ជាក់ថា សុខភាពនៃប្រព័ន្ធរំលាយអាហាររបស់អ្នក ត្រូវការការថែទាំ៖
- ប្រសិនបើអ្នកធុំក្លិនមាត់…
ប្រសិនបើតុល្យភាពរវាងបាក់តេរីល្អ និង បាក់តេរីអាក្រក់នៅក្នុងប្រព័ន្ធរំលាយអាហាររបស់អ្នកមិនឋិតឋេរ អ្នកទំនងជាអាចចាប់ផ្ដើមជួបប្រទះភាពមិនប្រក្រតីនៃប្រព័ន្ធរំលាយអាហារកាន់តែខ្លាំង ។ ធុំក្លិនមាត់ ដែលក្លិនមិនល្អ មានច្រើនជាងក្លិនល្អ គឺជារោគសញ្ញានៃជំងឺ dysbiosis ជាអតុល្យភាពនៃបាក់តេរីអាក្រក់ និង បាក់តេរីល្អនៅក្នុងពោះវៀន។
- ប្រសិនបើអ្នកតែងជួបបញ្ហាហើមពោះ ថប់ដង្ហើម និង រាគរូស…
តម្រុយចម្បងនៃភាពមិនប្រក្រតីនៃប្រព័ន្ធរំលាយអាហារ គឺការហើមពោះ ថប់ដង្ហើម និង រាគញឹកញាប់ ។ អាការៈទាំងនេះកើតឡើងដោយសារសុខភាព និង ចំនួនបាក់តេរីដែលរស់នៅក្នុងពោះវៀន ។ បាក់តេរីទាំងនេះ ត្រូវបានគេស្គាល់ថាជា microbiome និង រោគសញ្ញាជាច្រើនដូចជា ភាពមិនប្រក្រតីនៃពោះវៀន ឬ ថប់ដង្ហើមកើតឡើងនៅពេលដែល សមតុល្យនៃបាក់តេរី មិនមានចំនួនត្រឹមត្រូវ។
- ប្រសិនបើអ្នកឆាប់មានប្រតិកម្មនិងអាហារ…
ពោះវៀនជាអ្នកចាំទី ដែលសម្រេចថាតើត្រូវឲ្យអ្វីខ្លះត្រូវចូលទៅក្នុងពោះវៀន អ្វីដែលត្រូវនៅក្នុង និង អ្វីដែលត្រូវចេញពីពោះវៀន ។ អាហារដែលអ្នកញាំ ប៉ុន្តែមិនត្រូវបានរំលាយ នឹងហូរចេញទៅចុងម្ខាងទៀតនៃពោះវៀន ។ ចំណុចនេះ បង្ហាញអំពីតួនាទីសំខាន់បំផុតនៃ ប្រព័ន្ធរំលាយអាហារ ដែលការពារសារធាតុផ្សេងៗ មិនឲ្យចូលក្នុងរាង្គកាយ ។ នៅពេលអាហារឆ្លងកាត់ពោះវៀន វាក្លាយជាម៉ូលេគុលប្រូតេអ៊ីនដ៏ធំមួយ ដែលអាចជ្រាបចូលក្នុងចរន្តឈាម។
ដោយសារតែប្រូតេអ៊ីនធំៗទាំងនេះ មិននៅក្រៅពោះវៀន រាង្គកាយត្រូវពឹងផ្អឹកទៅលើប្រព័ន្ធការពាររាង្គកាយ ដើម្បីកម្ចាត់ប្រូតេអ៊ិនទាំងនេះ ។ បញ្ហានេះ ធ្វើឲ្យរាង្គកាយធ្វើការវាយប្រហារ តាមរយៈការធ្វើប្រតិកម្មទៅនិងអាហារ។
- ប្រសិនបើអ្នកជួបបញ្ហា ភើ នៅពេលញាំបាយមិនទៀងទាត់ ឬ នៅពេលតានតឹងក្នុងអារម្មណ៍………
នៅពេលមានការតានតឹងក្នុងអារម្មណ៍ ឈាមបាញ់ចេញពីប្រព័ន្ធរំលាយអាហារទៅ សរីរាង្គផ្សេង ដែលជួយដុតកម្ទេចរបស់ដែលយើងត្រូវការ ។ មនុស្សមួយចំនួន ដែលជួបប្រទះភាពតានតឹងក្នុងអារម្មណ៍រយៈពេលយូរ កំពុងប្រឈមមុខនិងកង្វះការផ្គត់ផ្គង់ឈាម ទៅឲ្យប្រព័ន្ធរំលាយអាហារ ដែលនាំឲ្យសុខភាពពោះវៀនចុះខ្សោយ។
ស្ដារសុខភាពនៃប្រព័ន្ធរំលាយអាហារឡើងវិញ
ទាំងនេះ ជាវិធីសាស្រ្តដែលអ្នកអាចដោះស្រាយបញ្ហា សុខភាពប្រព័ន្ធរំលាយអាហារ និង ធ្វើឲ្យសុខភាពពោះវៀនមានភាពល្អប្រសើរឡើង៖
- ត្រូវធានាថា អ្នកបរិភោគទឹកបានគ្រប់គ្រាន់
ត្រូវមានទឹកមួយដបនៅជាប់ដៃ និង ត្រូវផឹកទឹកយ៉ាងហោចណាស់ ៨ កែវក្នុងមួយថ្ងៃ ។ ទឹកជួយកម្ចាត់ជាតិពុលចេញពីប្រព័ន្ធរំលាយអាហារ និង ជួយបញ្ចៀសរោគសញ្ញាខាងលើ។
- ត្រូវបរិភោគអាហារឲ្យសមតុល្យ
អាហារដែលអ្នកទទួលទានប្រចាំថ្ងៃ មានឥទ្ធិពលទៅលើសុខភាព microbiome ។ ប្រសិនបើអ្នកទទួលទានអាហារកំប៉ុង អ្នកកំពុងធ្វើឲ្យខ្លួនឯងប្រឈមមុខនិងហានិភ័យនៃការស្រូបយកសារជាតិអាហារបំប៉នមិនគ្រប់គ្រាន់ ។ ប៉ុន្តែប្រសិនបើអ្នកទទួលទានអាហារដែលងាយនិងរំលាយ និង ដែលសម្បូរដោយសារជាតិបំប៉ន អ្នកអាចនឹងមានអារម្មណ៍ថា មានថាមពលជាងមុន ដោយសារតែទទួលបាននូវសារជាតិ microbiome ដែលបានពីអាហារដែលផ្ដល់ផលល្អដល់សុខភាព។
- ជៀសវាងទទួលទានអាហារដែលបណ្ដាលឲ្យមានប្រតិកម្ម
ចំពោះអ្នកដែលមានប្រតិកម្មនិងអាហារ ចំណុចនេះគឺជាសារជាតិធម្មជាតិទីពីរ: អានស្លាកសញ្ញាដោយយកចិត្តទុកដាក់ ដើម្បីពិនិត្យមើលគ្រឿងផ្សំរបស់វា ។ វាជាវិធីសាស្រ្តដ៏ល្អបំផុតក្នុងការគ្រប់គ្រងរបបអាហាររបស់អ្នក និង ត្រូវជៀសវាងការទទួលទានអាហារដែលអាចបណ្ដាលឲ្យកើតមានប្រតិកម្ម។
- ត្រូវតាមដានកម្រិតនៃភាពតានតឹងអារម្មណ៍ និង ត្រូវសម្រាកឲ្យបានគ្រប់គ្រាន់
ត្រូវបង្កើតទម្លាប់គ្រប់គ្រងការតានតឹងអារម្មណ៍ ដើម្បីតាមដានសុខភាពនៃប្រព័ន្ធរំលាយអាហាររបស់អ្នក ។ ត្រូវគេងឲ្យបានយ៉ាងហោចណាស់ពី ៦ ទៅ ៨ ម៉ោងក្នុងមួយថ្ងៃ និង ត្រូវញាំឲ្យបានទៀងទាត់។
វេជ្ជបញ្ជា
ជាបទដ្ឋានទូទៅមួយ ដែលត្រូវមានវេជ្ជបញ្ជាក្នុងការប្រើប្រាស់ថ្នាំ ឬ ថ្នាំអង់ទីប៊ីយ៉ូទិកក្នុងការព្យាបាលជំងឺ ។ ទោះជាយ៉ាងនេះក្ដី មានការលើកឡើងថា ថ្នាំអង់ទីប៊ីយ៉ូទិក មានកម្លាំងខ្លាំងក្នុងការកម្ចាត់មេរោគទាំងល្អ និង អាក្រក់ ក្នុងពេលតែមួយ ។ វិធីសាស្រ្តតែមួយដើម្បីធ្វើឲ្យពោះវៀនមានសុខភាពល្អ គឺត្រូវប្ដូរបាក់តេរីចាស់ៗ ដោយដាក់ជំនួសនូវបាក់តេរីថ្មីល្អៗដោយប្រើ ថ្នាំជំនួយប្រូប៊ីអូទិក និង អាហារផ្អាប់ ប្រសិនបើអ្នកកំពុងប្រើប្រាស់ថ្នាំអង់ទីប៊ីយ៉ូទិកជាប្រចាំនោះ។
ពោះវៀនដែលមានសុខភាពល្អ គឺជាចំណុចគន្លឹះ នៅពេលដែលប្រឈមមុខនិងបញ្ហានៃប្រព័ន្ធរំលាយអាហារ និង បញ្ហាសុខភាព ។ ត្រូវចាត់វិធានការណ៍ចាំបាច់ទាំងអស់ ដើម្បីបង្កើនសុខភាពល្អដល់ពោះវៀន ដើម្បីធ្វើឲ្យសុខភាពរបស់អ្នកកាន់តែល្អប្រសើរឡើង។
អត្ថបទខាងលើនេះ បង្កើតឡើងក្នុងគោលដៅផ្ដល់ជាព័ត៌មានប៉ុណ្ណោះ ។ ក្រុមហ៊ុន AIA មិនមានទំនួលខុសត្រូវណាមួយទៅលើការខាតបង់ ដែលអាចកើតចេញពីការពឹងផ្អែកទាំងស្រុងទៅលើព័ត៌មាននៅក្នុងអត្ថបទនេះទេ។
http://www.bodyandsoul.com.au/health/health-advice/how-to-improve-your-gut-health/news-story/6fb8deced3ad78ab28b1cf6191003f39
http://www.pcrm.org/media/online/sept2014/seven-foods-to-supercharge-your-gut-bacteria
https://authoritynutrition.com/improve-gut-bacteria/
http://www.star2.com/health/wellness/2017/05/07/heres-to-gut-health/
https://chriskresser.com/9-steps-to-perfect-health-5-heal-your-gut/
https://www.mindbodygreen.com/0-28182/6-ways-to-boost-your-nutrient-absorption-by-improving-your-gut-health.html
http://www.navacenter.com/community/article-library/browse/2015/06/01/your-body's-second-brain---the-importance-of-gut-health
https://www.enjoynaturalhealth.com/gut-health-how-it-affects-your-body-and-why-its-important/
https://docs.google.com/document/d/1Zm92mz_3pp8ZX7R69p9nWCAiOG3alKR35YRCz6EXTm0/edit