នៅពេលដែលត្រូវធ្វើឲ្យសុខភាពល្អប្រសើរឡើង យើងតែងផ្ដោតលើរាង្គកាយ ទាក់ទងនិងអាហារូបត្ថម្ភ និង ការហាត់ប្រាណ ប៉ុន្តែយើងបែរជាមិនសូវចំណាយពេលគិតគូរដល់បរិស្ថានដែលអាចផ្ដល់ផលប៉ះពាល់ដល់រាង្គកាយរបស់យើងឡើយ។
បច្ចុប្បន្ននេះ មានការព្រួយបារម្ភកាន់តែខ្លាំងឡើងអំពីការថែរក្សាបរិសា្ថន - រាប់ចាប់ពីការចាត់វិធានការណ៍ប្រឆាំងនិងការកាប់បំផ្លាញព្រៃឈើ ការបំពុលបរិស្ថាន ការជួយរក្សាព្រៃឈើ និង សត្វព្រៃដែលកំពុងប្រឈមនិងគ្រោះថ្នាក់ ដើម្បីកាត់បន្ថយដានជើងកាបូនរបស់មនុស្សជាតិ ។ បញ្ហាទាំងនេះ អាចផ្ដល់ផលប៉ះពាល់ជារួមដល់សុខភាពរួមរបស់យើង ។ ទោះជាយ៉ាងនេះក្ដី បញ្ហាបរិស្ថានតែមួយ ដែលយើងលើកយកពិភាក្សាដើម្បីរកដំណោះស្រាយនេះ គឺបញ្ហាបរិស្ថានផ្ទាល់ខ្លួនរបស់យើង - គឺផ្ទះរបស់យើង។
យើងបានចំណាយពេលច្រើនម៉ោងនៅក្នុងផ្ទះ ដូចនេះ វាមានសារៈសំខាន់ណាស់ដែលថា ផ្ទះរបស់យើង ត្រូវក្លាយជាទីកជម្រកមួយ ដែលផ្ដល់ផលល្អដល់សុខភាព។
ខ្យល់ចេញចូល
បើកចំហរបង្អួចទាំងអស់នៅក្នុងផ្ទះ ដើម្បីឲ្យមានខ្យល់ចេញចូល ជាមួយនិងពន្លឺថ្ងៃ និង ខ្យល់អាកាសបរិសុទ្ធ! ការបើកបង្អួចឲ្យបានពី ១០ - ២០ នាទី ម្ដង ឬ ពីរដងក្នុងមួយថ្ងៃ មិនត្រឹមតែបណ្ដេញចេញនូវខ្យល់អាប់អ៊ួរនៅក្នុងផ្ទះ និង ការបំពុលប៉ុណ្ណោះទេ វាថែមទាំងនាំមកនូវខ្យល់ស្អាតដែលធ្វើឲ្យអ្នកមានអារម្មណ៍ស្រស់ស្រាយ ។ ខ្យល់ចេញចូលល្អ និង ពន្លឺថ្ងៃធម្មជាតិ មានសារៈសំខាន់ជាចាំបាច់ក្នុងការបំបាត់សំណើមច្រើនខ្លាំងលើសពីតម្រូវការនៅក្នុងផ្ទះ កម្ចាត់គ្រោះថ្នាក់ចម្បងៗដល់សុខភាព មេរោគផ្សិត និង ថែរក្សាបាននូវគុណភាពខ្យល់ដែលផ្ដល់ធ្វើឲ្យសុខភាពកាន់តែល្អប្រសើរឡើង។
លើកកម្ពស់គុណភាពខ្យល់ជាមួយឧបករណ៍បន្សុតខ្យល់
ជំហានដំបូងដើម្បីធ្វើឲ្យសុខភាពល្អ គឺត្រូវតែធានាថា ខ្យល់ដែលអ្នកកំពុងស្រូបចូល ពិតជាខ្យល់ស្អាត ។ ជាអកុសល ប្រទេសម៉ាឡេស៊ី ញាំញីទៅដោយអ័ព្ទមួយរយៈពេល ដោយសារកម្រិតនៃខ្យល់ពុលកើនខ្លាំង បណ្ដាលមកពីភ្លើងឆេះព្រៃទ្រង់ទ្រាយធំ នៅលើកោះស៊ូម៉ាត្រារបស់ប្រទេសឥណ្ឌូនេស៊ី ដែលជាប្រទេសជាប់របងគ្នា ។ ក្នុងរយៈពេលជាច្រើនឆ្នាំ អត្រាមរណភាពដោយសារជំងឺប្រព័ន្ធដកដង្ហើមបានកើនឡើងដល់ 19% បណ្ដាលមកពីអ័ព្ទពុលទាំងនេះ រួមជាមួយការឆ្លងមេរោគតាមផ្លូវដង្ហើម និង ជំងឺហឺត។
ការវិនិយោគលើឧបករណ៍បន្សុតខ្យល់ទំនើបៗ អាចជួយកាត់បន្ថយហានិភ័យតាមរយៈការរំងាប់មេរោគនៅក្នុងខ្យល់ និង ការកម្ចាត់បាក់តេរី វីរុស មេរោគផ្សិត សារជាតិធ្វើឲ្យមានប្រតិកម្ម ក្លិនអាក្រក់ និង សារធាតុដែលបង្កគ្រោះថ្នាក់ផ្សេងទៀត ដែលកើតចេញពីកន្លែងដែលយើងរស់នៅ ។
បង្កើតភាពបៃតងស្រស់នៅក្នុងផ្ទះ
ដើមផ្កាសម្រាប់លម្អក្នុងផ្ទះ ផ្ដល់អត្ថប្រយោជន៍ធំធេងដល់ស្មារតី រាង្គកាយ និង ខួរក្បាលរបស់អ្នក! ដោយត្រូវបានទទួលស្គាល់ថាជា “សួតធម្មជាតិ” រុក្ខជាតិទាំងនេះ ក៏អាចកម្ចាត់ជាតិពុលចេញពីខ្យល់ (រហូតដល់ ៨៧% នៃសមាសភាគសរីរាង្គបង្កហេតុ (VOCs) រៀងរាល់ ២៤ ម៉ោងម្ដង យោងតាមការស្រាវជ្រាវរបស់ NASA) កាត់បន្ថយបរិមាណធូលី បញ្ចេញអុកស៊ីសែន និង សំណើមទៅក្នុងខ្យល់ និង បន្ថយភាពតានតឹងក្នុងអារម្មណ៍។
ពណ៌បៃតង ត្រូវបានទទួលស្គាល់ថាតំណាងឲ្យភាពស្ងប់ស្ងាត់ និង សុខស្រួល ។ ហេតុដូចនេះ ការមានរុក្ខជាតិនៅផ្ទះ អាចកាត់បន្ថយភាពធុញថប់អារម្មណ៍ ផ្ដល់កម្លាំងចិត្ត និង ធ្វើឲ្យអ្នកមានអារម្មណ៍ថាកាន់តែស្រស់ស្រាយ និង មានផលិតភាពក្នុងការងារ ។ លើសពីនេះទៀត រុក្ខជាតិទាំងនេះបានធ្វើឲ្យយើងនឹកឃើញពីធម្មជាតិ ដែលបង្កើតការយល់ដឹងអំពីសេចក្ដីស្ងប់ស្ងាត់ក្នុងចិត្ត ធ្វើឲ្យចិត្តហ្នឹង ធ្វើឲ្យគេហដ្ឋានរបស់យើងមើលទៅគួរជាទីស្វាគមន៍ ស្អាត និង ស្រស់បំព្រង ។ អ្នកក៏អាចពិចារណាអំពីការបង្កើតជាសួនច្បារបៃតងសម្រាប់សុខភាពផ្ទាល់ខ្លួនផងដែរ។
ការមានរុក្ខជាតិនៅផ្ទះ អាចកាត់បន្ថយភាពធុញថប់អារម្មណ៍ ផ្ដល់កម្លាំងចិត្ត និង ធ្វើឲ្យអ្នកមានអារម្មណ៍ថាកាន់តែស្រស់ស្រាយ និង មានផលិតភាពក្នុងការងារ។
ជៀសវាងផលិតផលដែលមានសារធាតុគីមី
សារធាតុគីមីពុល ដែលលាក់មុខនៅក្នុងឧបរណ៍ជូតសម្អាតផ្ទះរាល់ថ្ងៃ មានទំនាក់ទំនងនិងបញ្ហាសុខភាពជាច្រើន អាចបង្កើនសារធាតុប្រតិកម្ម ជំងឺហឺត ហើយក៏អាចបង្កើនមេរោគដែលបង្កើតជំងឺមហារីកផងដែរ ។ មានការណែនាំឲ្យជ្រើសរើស ទឹកលាងសម្អាតតាមធម្មជាតិដូចជាទឹកខ្មេះ សូដ្យូមកាបូណាត និង ទឹកក្រូចឆ្មា។
ប្តូរមកប្រើទៀនធ្វើពីប្រេងសណ្ដែក
យើងទាំងអស់គ្នាធ្លាប់បានឮការប្ដូរទៅប្រើប្រាស់ទៀនធ្វើពីទឹកសណ្ដែក ចុះចំពោះទៀនដែលធ្វើពីសណ្ដែកវិញ? មិនដូចទៅនិងទៀនធម្មតាដែលផលិតចេញពីប្រេងប៉ារ៉ាហ្វីនមានចម្រាញ់ចេញពីប្រេងម៉ាស៊ូត ដែលអាចបំពុលដល់សុខភាពនោះទេ ទៀនធ្វើពីសណ្ដែក ត្រូវបានផលិតពីក្រមួនសណ្ដែកធម្មជាតិ ចម្រាញ់ចេញពីប្រេងសណ្ដែក ។ ទៀននេះ ត្រូវបានទទួលស្គាល់ថា ឆេះមិនងាយអស់ និង កាន់តែផ្ដល់ភាពស្រស់ស្អាត បញ្ចេញលម្អងផ្សែងតិចទៅក្នុងខ្យល់។
ត្រូវរៀបចំសម្អាតកន្លែងដាក់ចានឆ្នាំងឲ្យស្អាតជាប្រចាំ
ប្រសិនបើអ្នកកំពុងព្យាយាមអនុវត្តរបបអាហារដែលផ្ដល់ផលល្អដល់សុខភាព ដូចនេះវាជាពេលវេលាដ៏ល្អបំផុតក្នុងបោះចោលអាហារសំណល់ដែលសម្បូរដោយជាតិស្ករ ដែលគ្មានជាតិកាឡូរីហើយ! ការសិក្សាពី សាកលវិទ្យាល័យ Cornell បានរកឃើញថា អ្នកដែលរក្សាទុកអាហារ និង ភេសជ្ជៈនៅចង្ក្រានបាយ មិនមានសុខភាពល្អដូច អ្នកដែលទុកអាហារ ផ្លែឈើទាំងនោះឲ្យនៅស្រស់នោះទេ។
ការសម្អាតកន្លែងដាក់ចានឆ្នាំង ក៏ជួយកម្ចាត់ចោលនូវសម្ភារៈម្ហូបអាហារដែលមិនត្រូវការ ដែលភ្លេច និង ដែលផុតកាលកំណត់ ។ កន្លែងដាក់ចានឆ្នាំងដែលរៀបចំបានស្អាត ត្រឹមត្រូវ អាចជំរុញទឹកចិត្តអ្នកឲ្យចង់ញាំ និង រក្សាបាននូវសុខភាពល្អ តាមរយៈការបង្កើនការទិញម្ហូបអាហារ និង ការចម្អិនអាហារប្រកបដោយប្រសិទ្ធភាព។
អ្នកដែលរក្សាទុកអាហារ និង ភេសជ្ជៈនៅចង្ក្រានបាយ មិនមានសុខភាពល្អដូច អ្នកដែលទុកអាហារ ផ្លែឈើទាំងនោះឲ្យនៅស្រស់នោះទេ។
ចម្រោះទឹកម៉ាស៊ីន
មានការណែនាំឲ្យចម្រោះទឹក ដើម្បីធានាថា ទឹកដែលអ្នកប្រើមិនមានមេរោគ ។ វត្ថុចម្លងមេរោគ ដូចជាសំណ មេរោគ E. coli ថ្នាំសម្លាប់សត្វល្អិត និង វត្ថុផ្សេងៗ ដែលតភ្ជាប់ជាមួយប្រព័ន្ធចែកចាយទឹក អាចបណ្ដាលឲ្យមានបញ្ហាសុខភាពធ្ងន់ធ្ងរ ដូចជាជំងឺអាសន្នរោគ ជំងឺគ្រុនពោះវៀន ហើយក្នុងករណីធ្ងន់ធ្ងរ អាចធ្វើឲ្យខូចថ្លើម ។ ទឹកចម្រោះ អាចជួយកាត់បន្ថយហានិភ័យនៃការឆ្លងមេរោគ កម្រិត pH មានតុល្យភាព ដូចនេះវាការពារបានសុខភាពទាំងស្រុង។
ទុកដាក់ម្ហូបអាហារក្នុងកែវ មិនមែនប្លាស្ទិកទេ
សល់អាហារច្រើនញាំមិនអស់ឬ? ត្រូវទុកក្នុងកែវ មិនមែនប្រអប់ប្លាស្ទិកទេ ។ យើងទាំងអស់គ្នាពិតជាបានដឹងអំពីផលប៉ះពាល់របស់ប្លាស្ទិក ទៅលើបរិស្ថាន ។ កែវ មានសុវត្ថិភាពក្នុងការរក្សាម្ហូបអាហារ ជាងប្លាស្ទិក ដោយសារតែសារធាតុគីមីដែលចេញពីប្លាស្ទិក អាចចូលទៅក្នុងអាហារ ។ កែវក៏អាចប្រើបានយូរជាងផងដែរ មិនស្រូបក្លិនអាហារ និង អាចប្រើប្រាស់ឡើងវិញបាន។
បង្កើតទីកន្លែងធម្មជាតិផ្ទាល់ខ្លួន
បង្កើតទីកន្លែងពិសេសតូចមួយ ដើម្បីជួយឲ្យ អ្នកមានអារម្មណ៍ថានៅក្នុងធម្មជាតិ និង អារម្មណ៍ស្រួលខ្លួន។ .
យើងគ្រប់គ្នា តែងមានទីកន្លែងដ៏តូចមួយសម្រាប់សេចក្ដីសុខផ្ទាល់ខ្លួននៅផ្ទះ ដែលយើងអាចសំរាកអានសៀវភៅ និង ញាំតែ ។ គំនិតនេះគឺត្រូវបង្កើតកន្លែងនេះឡើង ប្រែក្លាយជ្រុងពិសេសណាមួយនៅក្នុងផ្ទះ ឲ្យទៅជាទីកន្លែងមួយសម្រាប់សុខភាព ធ្វើឲ្យអ្នកមានអារម្មណ៍ថាល្អសម្រាប់សុខភាព និង មានភាពស្ងប់ស្ងាត់ ។ ដាក់បន្ថែមសម្ភារៈដែលអ្នកចូលចិត្តដូចជាប្រអប់ potpourri ប្រេង essential oil កម្រាលសម្រាប់ហាត់ yoga ទៀនធ្វើពី (សណ្ដែកសៀង) ផ្កា ខ្នើយ cosy cushion ។ បង្កើតទីកន្លែងពិសេសមួយនេះ ដើម្បីជួយឲ្យអ្នកមានអារម្មណ៍ថានៅក្នុងធម្មជាតិ និង អារម្មណ៍ស្រួលខ្លួន នៅពេលដែលត្រូវការ។
នៅពេលត្រូវថែរក្សាសុខភាពឲ្យបានល្អ ផ្ទះក៏មិនមែនជាកន្លែងត្រូវលើកលែងនោះដែរ! ទោះបីជាត្រូវបោសសម្អាត ឬ បណ្ដេញជាតិពុលញឹកញាប់ក្ដី ការយកចិត្តទុកដាក់ និង ថែទាំបរិសា្ថនផ្ទាល់ខ្លួន មិនគ្រាន់តែកាត់បន្ថយផលប៉ះពាល់ដល់សុខភាពរយៈពេលយូរនោះទេ វាថែមទាំងធ្វើឲ្យយើងមានអារម្មណ៍ល្អគ្រប់ពេលទៀតផង។
អត្ថបទខាងលើនេះ បង្កើតឡើងក្នុងគោលដៅផ្ដល់ជាព័ត៌មានប៉ុណ្ណោះ ។ ក្រុមហ៊ុន AIA មិនមានទំនួលខុសត្រូវណាមួយទៅលើការខាតបង់ ដែលអាចកើតចេញពីការពឹងផ្អែកទាំងស្រុងទៅលើព័ត៌មាននៅក្នុងអត្ថបទនេះទេ។
https://www.ncbi.nlm.nih.gov/pmc/articles/PMC4587002/
https://ntrs.nasa.gov/archive/nasa/casi.ntrs.nasa.gov/19930073077.pdf
https://www.bioadvanced.com/articles/5-benefits-houseplants
https://www.livestrong.com/article/254322-what-are-the-benefits-of-soy-candles/
http://news.cornell.edu/stories/2015/10/whats-your-countertop-might-predict-your-weight
https://borgenproject.org/water-quality-in-malaysia/
https://healthy-cookware.com/why-glass-food-storage-containers-are-better-than-plastic/