បច្ចុប្បន្នយើងព័ត៌មានបន្តិចបន្តួចអំពីប្រវត្តិរបស់កាហ្វេនៅកម្ពុជា។ គេគ្រាន់តែដឹងថា កាហ្វេត្រូវបានមានវត្តមានដំបូងនៅកម្ពុជា តាមរយៈជនជាតិបារាំង ដូចពេលជាមួយគ្នានៅប្រទេសវៀតណាម និងឡាវ។ កាហ្វេដាំដុះនៅក្នុងប្រទេសកម្ពុជាភាគច្រើនជាកាហ្វេ រ៉ូប៊ូស្តា និងដោយសារតែកាហ្វេ អារ៉ាប៊ីកា មានកំណើនច្រើននៅកម្ពុជា ការដាំដុះមិនលើសពី ៨០០ម៉ែត្រ ដែលផ្តល់ការពិបាកក្នុងការដាំដុះកាហ្វេអារ៉ាប៊ីកា ជាជាងពូជកាហ្វេកូនកាត់ ដូចជា កាទីម័រកាត់ជាមួយប្រភេទផ្សេងៗ។
ទោះជា កាហ្វេទូទៅផលិតនៅក្នុងស្រុក ឬ នាំចូល កាហ្វេឡាតេគ្មានជាតិខ្លាញ់ ហើយផ្អែមផលិតចេញពីហាងកាហ្វេផ្សេងៗ ប្រជាជនកម្ពុជាពិតជាចាប់ចិត្តនិងកាហ្វេរបស់ពួកគេណាស់! ប្រជាពលកម្ពុជាជាមធ្យម ត្រូវបានរាយការណ៍ថា បានទទួលទានកាហ្វេ ២,៥ កែវក្នុងមួយថ្ងៃ ។ ដូចនេះ កិច្ចពិភាក្សាចម្បងនោះគឺថា: តើកាហ្វេផ្ដល់ផលអាក្រក់ ឬ ល្អដល់អ្នក?
ជាប្រភពធំបំផុតនៃសារជាតិកាហ្វេអ៊ីន
ទន្ទឹមនឹងពេលដែល កាហ្វេជាប្រភពធំបំផុតនៃសារជាតិកាហ្វេអ៊ីនដែលមិនរលាយ បរិមាណនៃកាហ្វេអ៊ីនមានខុសៗគ្នាទៅតាមប្រភេទនៃកាហ្វេ រាប់ចាប់ពីស្ទើរតែសូន្យ រហូតដល់ជាង 500 mg នៃកាហ្វេអ៊ីន ។ ជាមធ្យម កាហ្វេមួយកែវអាចមានសារជាតិកាហ្វេអ៊ីនពី 95 - 180 mg។
ចំណុចល្អ
1. ជួយឲ្យអ្នកមានការប្រុងប្រយ័ត្ន
កាហ្វេមួយកែវតាមសម័យបុរាណ មិនត្រឹមតែធ្វើឲ្យអ្នកគេងមិនងងុយគេងនោះទេ វាថែមទាំងធ្វើឲ្យអ្នកមានការប្រុងប្រយ័ត្ន និង ផ្ដោតការយកចិត្តទុកដាក់ខ្ពស់ ។ សារជាតិកាហ្វេអ៊ីន គឺជាភ្នាក់ងារចិត្តសាស្រ្តមួយ ដែលបង្កើនភាពមិនងងុយគេង ការប្រុងប្រយ័ត្ន លទ្ធភាពក្នុងការផ្ដោតអារម្មណ៍ និង ជំរុញដល់កម្រិតនៃថាមពលទាំងអស់។
2. បង្កើនផលិតភាពនៃការងារ
ការសិក្សាដែលបានបោះពុម្ពផ្សាយនៅឆ្នាំ ២០១៣ បានសន្និដ្ឋានថា ការទទួលទានកាហ្វេអ៊ីនក្នុងកម្រិតមធ្យម អាចបង្កើនការធ្វើចលនា និង ការចងចាំ ។ ការសិក្សាកាន់តែច្រើននាពេលបច្ចុប្បន្ននេះ បានបោះពុម្ពផ្សាយកាលពីខែមេសា ឆ្នាំ ២០១៨ បានរកឃើញថា ការបម្រើភេសជ្ជៈជាកាហ្វេនៅក្នុងកិច្ចប្រជុំ អាចធ្វើឲ្យកិច្ចប្រជុំកាន់តែផុសផុលឡើង ថែមទាំងជំរុញឲ្យមានការចូលរួមពី សមាជិកនៃកិច្ចប្រជុំទាំងអស់។
សារជាតិកាហ្វេអ៊ីន ត្រូវបានទទួលស្គាល់ថាជាសារជាតិទប់ស្កាត់ប្រព័ន្ធសសៃប្រសាទដែលផ្ទុកសារធាតុ adenosine ជាសារធាតុមួយនៅក្នុងខួរក្បាល ដែលធ្វើឲ្យនឿយហត់ និង ងងុយគេង ដូចនេះសារជាតិកាហ្វេអ៊ីននឹងបង្កើនចលនារបស់រាង្គកាយ និង ខួរក្បាល។
3. ជំរុញទឹកចិត្ត
របាយការណ៍ត្រួតពិនិត្យដែលធ្វើឡើងដោយ A. Nehlig បានបង្ហាញថា ការទទួលទានសារជាតិកាហ្វេអ៊ីនក្នុងកម្រិតមធ្យមជារៀងរាល់ថ្ងៃចំនួន ៧៥ mg (ស្មើនិង កាហ្វេមួយកែវ) អាចបង្កើនទឹកចិត្តជាប្រចាំ [1] ការសិក្សាក៏បានបង្ហាញថា សារជាតិកាហ្វេអ៊ីន អាចជួយកាត់បន្ថយរោគសញ្ញានៃជំងឺធ្លាក់ទឹកចិត្ត ឬ ជួយការពារប្រឆាំងនិងជំងឺធ្លាក់ទឹកចិត្ត [2]
[1] Nehlig A. (2010) គឺជាស្ថាប័នលើកទឹកចិត្តការយល់ដឹងអំពីសារជាតិកាហ្វេអ៊ីន?J Alzheimers Dis, 20(S1):85-94។
[2] Grosso G. et al. (2016) កាហ្វេ តែ សារជាតិកាហ្វេអ៊ីន និង ហានិភ័យនៃជំងឺធ្លាក់ទឹកចិត្ត: ការត្រួតពិនិត្យជាប្រព័ន្ធ និង ការវិភាគទិន្នន័យឆ្លើយតបជាច្រើនរបស់ ការសិក្សាស្រាវជ្រាវការត្រួតពិនិត្យ ។ Mol Nutr Food Res, 60(1):223-3។
ផឹកកាហ្វេច្រើនពេក?
ការទទួលទានសារជាតិកាហ្វេអ៊ីនច្រើនខ្លាំងពេក គឺជាស្ថានភាពដ៏កំរនឹងកើតមានឡើង ប៉ុន្តែអ្នកត្រូវដឹងថា អ្នកបានផឹកកាហ្វេច្រើនពេក នៅពេលដែលអ្នកកើតមានរោគសញ្ញាណាមួយខាងក្រោមញឹកញាប់បំផុត:
- ភាពច្រាស់ច្រាល រសេះរសោះ និង ភ័យ
- បេះដូងលោតឌឹបឌាក់
- ចង់ក្អួត
- អន្ទះអន្ទែង
- គេងមិនលក់
- ខ្យល់ចាប់
វិធីល្អបំផុតគឺ ត្រូវទៅជួបគ្រូពេទ្យ ប្រសិនបើអ្នកកើតមានរោគសញ្ញានៃការទទួលទានកាហ្វេក្នុងបរិមាណលើសច្រើនជ្រុលទាំងនេះ។
អ្វីដែលអ្នកត្រូវដឹងអំពីសារជាតិកាហ្វេអ៊ីន
គ្មានសារជាតិកាហ្វេអ៊ីន មិនដូចគ្នានិង មិនដាក់សារជាតិកាហ្វេអ៊ីនទេ
ពិតណាស់ កាហ្វេដែលគ្មានសារជាតិកាហ្វេអ៊ីន នៅតែមានសារជាតិកាហ្វេអ៊ីនចំនួន ៣% ។ វាអាចនៅមានចំនួនតិចតួចបំផុត ហើយ ការទទួលទានចំនួន ៥ កែវ ឬ ច្រើនជាងនេះ អាចស្មើនិង កាហ្វេមានសារជាតិកាហ្វេអ៊ីនដែលទទួលទានរាល់ថ្ងៃចំនួន ១ កែវ។
តែមួយភ្លែត កាហ្វេជួយធ្វើឲ្យកាន់តែសកម្មឡើង
រាប់ចាប់ពីការក្រេបកាហ្វេមួយកែវដំបូងនៅពេលព្រឹក សារជាតិកាហ្វេអ៊ីន បានជ្រាបចូលភ្លាម ទៅក្នុងចរន្តឈាមរបស់អ្នក ។ កាហ្វេមួយកែវ បានស្រូបចូលសារជាតិកាហ្វេអ៊ីនទៅក្នុងឈាមយ៉ាងឆាប់រហ័សតែក្នុងរយៈពេលជាង ២០ នាទីប៉ុណ្ណោះ។
វាផ្ដល់ឥទ្ធិពលខុសៗគ្នាទៅដល់មនុស្ស
លទ្ធភាពស៊ាំនិងសារជាតិកាហ្វេអ៊ីនរបស់អ្នក ទទួលរងឥទ្ធិពលពីកត្តាគ្រប់យ៉ាង រាប់ចាប់ពីរបៀបនៃការរស់នៅ រហូតដល់ ប្រព័ន្ធរំលាយអាហារ និង កត្តាហ្សែន ។ល។ ឧទាហរណ៍ប្រសិនបើប្រព័ន្ធរំលាយអាហាររបស់អ្នកមានកម្រិតខ្ពស់ សារជាតិកាហ្វេអ៊ីននៅក្នុងកាហ្វេ អាចធ្វើឲ្យអ្នកមានភាពច្រាស់ច្រាល និង ព្រួយបារម្ភ ។ អ្នកជំងឺដែលមានជំងឺលើសឈាម ទឹកនោមផ្អែម បេះដូង ជំងឺពុកឆ្អឹង និង ស្រ្តីមានផ្ទៃពោះ ត្រូវបានណែនាំឲ្យជៀសវាង ឬ កាត់បន្ថយការទទួលទានកាហ្វេ។
ភេសជ្ជៈប៉ូវកម្លាំង មានសារជាតិកាហ្វេអ៊ិនតិចជាង កាហ្វេ
ភេសជ្ជៈប៉ូវកម្លាំងមួយកំប៉ុង មានសារជាតិកាហ្វេអ៊ីនប្រហែល 80mg ចំណែក កាហ្វេមួយកែវ មានសារជាតិកាហ្វេអ៊ីនចន្លោះពី 110 - 150 mg ។ ជាទូទៅ ភេសជ្ជៈប៉ូវកម្លាំង ត្រូវបានលាយបញ្ចូលសារជាតិស្ករ និង គ្រឿងផ្សំផ្សេងៗ មិនមែនពឹងផ្អែកលើសារជាតិកាហ្វេអ៊ីនតែមួយមុខនោះទេ។
កាហ្វេលីងខ្លោច ឬ ធម្មតា សារជាតិកាហ្វេអ៊ីននៅតែដដែល
កាហ្វេលីងកាន់តែខ្លោច ជាទូទៅហៅថា “ខ្លាំង” ជាងកាហ្វេស្រាល ហើយ ជាទូទៅត្រូវបានសនិ្នដ្ឋានថាមានកម្រិតសារជាតិកាហ្វេអ៊ីនខ្ពស់ ។ រសជាតិខ្លាំងនេះ កើតចេញពីភាពល្វីងដែលបានពីការលីង មិនមែនបានពីសារជាតិកាហ្វេអ៊ីននោះទេ ។ ជាក់ស្ដែង កាហ្វេលីងកាន់តែខ្លាំង មិនមានសារជាតិកាហ្វេអ៊ីនច្រើនជាងកាហ្វេលីងធម្មតាឡើយ កាហ្វេទាំងនេះ មានបរិមាណសារជាតិកាហ្វេអ៊ីនដូចគ្នា។
ពិសារដោយការទទួលខុសត្រូវ
ដោយសារប្រជាជន ទំនងជាមិនអាចបោះបង់ចោលនូវភេសជ្ជៈដ៏មានប្រជាប្រិយរបស់ខ្លួននោះ ទាំងនេះជាវិធីបីយ៉ាង ស្ដីពីការទទួលទានភេសជ្ជៈដ៏ខ្មៅក្រឹបនេះដោយការទទួលខុសត្រូវខ្ពស់។
1. គ្រប់គ្រងជាផ្នែកៗ
ការទទួលទានកាហ្វេក្នុងកម្រិតសមរម្យ គឺមានសុវត្ថិភាព ហើយអាចចាត់ទុកថាផ្នែកមួយនៃអាហារផ្ដល់អត្ថប្រយោជន៍ដល់សុខភាព សម្រាប់មនុស្សពេញវ័យភាគច្រើន ។ ការទទួលទានសារជាតិកាហ្វេអ៊ីនក្នុងកម្រិតសមល្មម មានចំនួនប្រហែល ៤០០ mg ឬ ៣ ទៅ ៤ កែវក្នុងមួយថ្ងៃ។
2. បន្ថែមទឹកដោះគោបន្តិចទៅក្នុងកាហ្វេរបស់អ្នក
ក្នុងពេលដែលកាហ្វេខ្មៅ អាចធ្វើឲ្យមានថាមពលភ្លាមៗ ការបន្ថែមទឹកដោះគោបន្តិចទៅក្នុងកាហ្វេរបស់អ្នក ផ្ដល់នូវអត្ថប្រយោជន៍មួយចំនួនដល់សុខភាព ដូចជាជួយក្នុងការគេង អាហារដែលមានភាពជូរ និង កាល់ស្យូម។
ការទទួលទានកាហ្វេក្នុងកម្រិតសមរម្យ គឺមានសុវត្ថិភាព និង វាអាចចាត់ទុកថាផ្នែកមួយនៃអាហារផ្ដល់អត្ថប្រយោជន៍ដល់សុខភាព សម្រាប់មនុស្សពេញវ័យភាគច្រើន។
3. យូរៗម្ដង អាចប្ដូរទៅពិសារតែវិញ
មានអត្ថប្រយោជន៍ដល់សុខភាពជាច្រើនប្រភេទ ក្នុងការផ្លាស់ប្ដូរពីការពិសារជាគ្រាប់កាហ្វេទៅ តែយូរៗម្ដង ។ មិនដូចកាហ្វេដែលអាចឲ្យអ្នក ស្រូបយកនូវសារជាតិកាហ្វេអ៊ីន ហើយប្រសិនបើអ្នកមិនបានពិសារកាហ្វេ តែអាចជួយអ្នកឲ្យមានស្មារតីប្រុងប្រយ័ត្ន និង បន្ធូរអារម្មណ៍បានច្រើន ពេញមួយថ្ងៃ ។ វាក៏អាចជួយសម្រកទម្ងន់ និង កាត់បន្ថយខូលេស្តេរ៉ូលផងដែរ។
ការសន្និដ្ឋានអំពីការឆុងកាហ្វេ
ផ្ដល់ផលល្អ ឬ អាក្រក់? ចម្លើយគឺស្ថិតនៅលើការទទួលទានក្នុងកម្រិតណាមួយ ។ ការទទួលទានកាហ្វេមួយ ឬ ពីរកែវ ក្នុងមួយថ្ងៃ ផ្ដល់អត្ថប្រយោជន៍មួយចំនួនដល់សុខភាព ប៉ុន្តែការទទួលទានលើសពីបួនកែវ អ្នកអាចនឹងរងផលប៉ះពាល់អវិជ្ជមានវិញ ។ មធ្យោបាយដ៏ល្អបំផុតនោះ គឺត្រូវពិសារកាហ្វេក្នុងកម្រិតសមរម្យ ដោយត្រូវពិនិត្យមើលផលប៉ះពាល់របស់សារជាតិកាហ្វេអ៊ីនទៅលើរាង្គកាយរបស់អ្នក និង ស្វែងយល់អំពីកម្រិតនៃសមត្ថភាពផ្ទាល់ខ្លួនរបស់អ្នក។
អត្ថបទខាងលើនេះ បង្កើតឡើងក្នុងគោលដៅផ្ដល់ជាព័ត៌មានប៉ុណ្ណោះ ។ ក្រុមហ៊ុន AIA មិនមានទំនួលខុសត្រូវណាមួយទៅលើការខាតបង់ ដែលអាចកើតចេញពីការពឹងផ្អែកទាំងស្រុងទៅលើព័ត៌មាននៅក្នុងអត្ថបទនេះទេ។
https://www.pressreader.com/malaysia/the-sun-malaysia/20170511/281870118356282
https://www.healthline.com/nutrition/how-much-caffeine-in-coffee
https://www.scribendi.com/advice/seven_ways_to_stay_alert.en.html
https://www.ncbi.nlm.nih.gov/pubmed/20888549
http://journals.sagepub.com/doi/10.1177/0269881118760665
https://www.coffeeandhealth.org/topic-overview/references-9/
http://www.ijsrp.org/research-paper-0214/ijsrp-p2637.pdf
https://www.sciencedaily.com/releases/2007/06/070614162223.htm
https://www.webmd.com/diet/news/20061011/decaf-coffee-isnt-caffeine-free
https://www.telegraph.co.uk/food-and-drink/features/how-coffee-affects-your-body-from-the-first-sip/
https://blog.lacolombe.com/2018/07/06/caffeine-affects-people-others/