ដោយមិនស្វែងរកព័ត៌មានតាមប្រព័ន្ធ Google តើអ្នកអាចកំណត់ថាតើមុខម្ហូបណាដែលមានខ្លាញ់ដែរទេ?
a) ម្ហូប Sushi
b) ហាំប័រហ្គឺ និង ម្ហូបចៀន
c) ទឹកដោះគោមួយកែវ
d) គ្រាប់ល្ពៅ
ប្រសិនបើអ្នកជ្រើសយកចម្លើយណាមួយ ខាងលើ អ្នកឆ្លើយបានត្រឹមត្រូវហើយ! មុខម្ហូបទាំងនេះ ពិតជាមានខ្លាញ់ ។ ខ្លាញ់ពិតជាមាននៅក្នុងមុខម្ហូបរបស់អ្នក ទោះជាអ្នកបានដឹង ឬ មិនដឹងក្ដី ។ វាអាចមានចំនួនតិច នៅក្នុងមុខម្ហូបបន្លែឆារបស់អ្នក ខ្លាញ់តិចនេះ ត្រូវបានប្រើនៅក្នុងនំដែលអ្នកទិញពីហាង និង នៅក្នុងត្រីសាល់មុន នៅក្នុងមុខម្ហូប sushi។
ទស្សនៈបុរាណបានពោលថា ការទទួលទានខ្លាញ់ អាចនឹងទទួលផលមិនល្អ ដោយសារតែម្ហូបដែលមានខ្លាញ់ដូចជា អាហារកំប៉ុង និង អាហារទទួលទានភ្លាមៗ គឺជាមុខម្ហូបនាំមុខគេ ក្នុងការបង្កឲ្យមានជំងឺលើសឈាម ជំងឺដាច់សសៃឈាមក្នុងខួរក្បាល និង ជំងឺគាំងបេះដូង ។ ទោះជាយ៉ាងនេះក្ដី ដំណឹងវិវឌ្ឍន៍ចុងក្រោយបង្អស់ បានបង្ហាញភស្តុតាងថា ការប្រើប្រាស់ខ្លាញ់ប្រភេទល្អ អាចមានផលវិជ្ជមាន ។ វាបានរួមចំណែកកាត់បន្ថយសារជាតិខូឡេស្តេរ៉ូលក្នុងឈាម និង ជួយបន្ថយហានិភ័យនៃជំងឺបេះដូង។
ជាការពិត មានបញ្ហាមួយចំនួន ដែលត្រូវកត់សម្គាល់ មុនពេលយើងត្រូវញ៉ាំឲ្យច្រើនហួសហេតុខ្លាំងនោះ ។ តោះចាប់ផ្ដើមជាមួយពាក្យដែលថា តើខ្លាញ់ជាអ្វី ហើយថាតើយើងពិតជាត្រូវការវាមែនទេ?
ពាក្យថា ខ្លាញ់ ត្រូវបញ្ចូល កាបូនអ៊ីត្រាត និង ប្រូតេអ៊ីន គឺជាសារជាតិអាហារូបត្ថម្ភសម្រាប់ជីវិតរស់នៅគ្រប់ប្រភេទ ។ ខ្លាញ់ មានតួនាទីផ្ដល់ថាមពល បង្កើនមុខងាររបស់ខួរក្បាល ការរីកលូតលាស់របស់កោសិកា និង ជួយឲ្យរាង្គកាយស្រូបយកវីតាមីនខ្លាញ់ដែលអាចរលាយបានដូចជា វីតាមីន A, D, E និង K (ជារួម វីតាមីនទាំងអស់ដែលរាង្គកាយយើងត្រូវការ) ។ ខ្លាញ់ដែលយើងប្រើប្រាស់ទូទៅនៅក្នុងជីវិតប្រចាំថ្ងៃ បានមកពីសត្វ សាច់កំប៉ុង ផ្លែឈើ ទឹកដោះគោ ឈីស ស៊ុត នំ និង អាហារដែលមានខ្លាញ់ ។ ខាងក្រោមនេះគឺជា ភាពខុសគ្នារវាងខ្លាញ់ល្អ និង ខ្លាញ់អាក្រក់ និង ខ្លាញ់អាក្រក់ខ្លាំង។
ខ្លាញ់ល្អ
តោះចាប់ផ្ដើមជាមួយខ្លាញ់ល្អ ខ្លាញ់ដែលគ្មានអ៊ីដ្រូសែនច្រើន a.k.a. ហៅថា ខ្លាញ់ល្អ ។ ខ្លាញ់គ្មានអ៊ីដ្រូសែនច្រើន មានពីរប្រភេទ: ខ្លាញ់មានម៉ូលេគុលអ៊ីដ្រូសែនមួយ និង ខ្លាញ់មានម៉ូលេគុលអ៊ីដ្រូសែនច្រើន ភាពខុសគ្នានេះ គឺសំដៅទៅលើសមាសភាគផ្សំគីមីរបស់ខ្លាញ់តាមប្រភេទនីមួយៗ ។ ការសិក្សាជាច្រើនបានបង្ហាញថា អាហារដែលសម្បូរដោយខ្លាញ់ល្អទាំងនេះ ជួយបង្កើនកម្រិតខូលេស្តេរ៉ូលក្នុងឈាម ដូចនេះវានឹងកាត់បន្ថយហានិភ័យនៃជំងឺគាំងបេះដូង ។ ស្ដាប់ទៅដូចជាភ្ញាក់ផ្អើលមែនទែន ប៉ុន្តែអ្នកត្រូវដឹងថា ការលើកឡើងទាំងនេះ ពិតជាត្រឹមត្រូវ នៅពេលដែលអ្នកដឹងច្បាស់ពី ប្រភពនៃខ្លាញ់គ្មានអ៊ីដ្រូសែនច្រើន។
ខ្លាញ់គ្មានអ៊ីដ្រូសែនច្រើន ផលិតចេញពីរុក្ខជាតិ (បន្លែ) ប៉ុន្តែវាក៏អាចត្រូវបានប្រទះឃើញនៅក្នុងត្រីប្រភេទមួយចំនួនផងដែរ ។ ប្រភពសំខាន់នៃខ្លាញ់ល្អបានពី ប្រេងបន្លែ ដូចជាប្រេង canola និង ប្រេងអូលីវ ។ ជាការពិត ប្រេងអូលីវ ជាប្រភពសំខាន់នៃខ្លាញ់ សម្រាប់ការរស់នៅប្រចាំថ្ងៃរបស់មនុស្សនៅតំបន់មេឌីទែរ៉ានេ (ដូចជា អ៊ីតាលី អេស្ប៉ាញ និង ក្រិច) ហើយត្រូវបានចាត់ទុកថាជាមូលហេតុចម្បងក្នុងការកាត់បន្ថយកម្រិតនៃជំងឺបេះដូង នៅក្នុងប្រទេសទាំងនោះ ។ អាហារធ្វើពីរុក្ខជាតិផ្សេងទៀត ដែលអ្នកអាចទទួលបានខ្លាញ់ល្អមាន ផ្លែអាវ៉ូកាដូ គ្រាប់ផ្លែឈើ និង គ្រាប់ផ្លែឈើដែលអាចញ៉ាំបានផ្សេងៗដូចជា គ្រាប់ល្ពៅ និង គ្រាប់ផ្កាឈូករត្ន័។
ប្រភពខ្លាញ់ល្អផ្សេងទៀត គឺចេញពីត្រី ប៉ុន្តែចេញពីត្រីដែលគេហៅថា ត្រីសម្បូរខ្លាញ់ ដោយសារតែវាមានផ្ទុកបរិមាណខ្លាញ់ដ៏ច្រើន នៅក្នុងជាលិការបស់វា ។ ត្រីមួយចំនួនដែលជាត្រីសម្បូរខ្លាញ់មានដូចជា ប្រភេទត្រីកាម៉ុង ប្រភេទត្រីទឹកសាបស្រដៀងត្រីព្រួល និង ត្រីដែលគេស្គាល់ខ្លាំងបំផុតគឺត្រី សាល់ម៉ុន ។ ត្រីសាល់ម៉ុន ផ្ទុកខ្លាញ់មានម៉ូលេគុលអ៊ីដ្រូសែនច្រើនកម្រិតខ្ពស់ អាស៊ីតខ្លាញ់អូមេហ្កា ៣ និង ត្រូវបានទទួលថា វាបានកាត់បន្ថយសម្ពាធឈាម នៅក្នុងខ្លួនមនុស្សដែលធ្លាប់មានជំងឺលើសឈាម។
អ្នកអាចទទួលទានខ្លាញ់ល្អទាំងនេះ តាមចិត្តប្រាថ្នា ប៉ុន្តែត្រូវកត់សម្គាល់ថា គ្រាប់ធុញ្ញជាតិដែលអ្នកញ៉ាំ ត្រូវតែគ្មានលាយអំបិល ឬ មិនមែនជាគ្រាប់ច្រកកំប៉ុងនោះទេ ។ ដូចគ្នានេះដែរ សូមរើសយកវិធីសាស្រ្តចម្អិនត្រី ដែលផ្ដល់ផលដល់សុខភាពដូចជាចំហុយ និង ដុត ជាជាងឆា។
ខ្លាញ់ដែលមានម៉ូលេគុលអ៊ីដ្រូសែនច្រើន a.k.a ហៅថា ខ្លាញ់អាក្រក់ ជាប្រភេទខ្លាញ់ម្យ៉ាងដែលអ្នកបានមើលរំលង ។ ខ្លាញ់ដែលមានម៉ូលេគុលអ៊ីដ្រូសែនច្រើន ភាគច្រើនចេញពីសត្វ ។ ដូចជា សាច់ដែលសម្បូរខ្លាញ់ ទឹកដោះគោ ឈីស ប័រ ខ្លាញ់ជ្រូក និង សាច់ដែលស្រដៀងគ្នា ។ គ្រោះថ្នាក់ដែលកើតមានរបស់ខ្លាញ់អាក្រក់ទាំងនេះ គឺថាវាបានផ្ដល់រសជាតិឆ្ងាញ់ដល់អាហាររបស់អ្នក ធ្វើឲ្យចង់ញ៉ាំ រួចធ្វើឲ្យអ្នកពេញចិត្ត។
ខ្លាញ់ដែលមានអ៊ីដ្រូសែនច្រើន មិនត្រឹមតែបង្កើនកម្រិតខូលេស្តេរ៉ូលក្នុងឈាមប៉ុណ្ណោះទេ វាថែមទាំងបង្កើនហានិភ័យនៃជំងឺទឹកនោមផ្អែមប្រភទេទីពីរផងដែរ ។ អ្នកជំនាញខាងចំណីអាហារបានផ្ដល់អនុសាសន៍ក្នុងការកម្រិតការទទួលទានខ្លាញ់ដែលមានអ៊ីដ្រូសែនច្រើន ។ អ្នកអាចកម្រិតការទទួលទានរបស់អ្នកបាន ដោយញ៉ាំខ្លាញ់ដែលគ្មានអ៊ីដ្រូសែន ជំនួសឲ្យខ្លាញ់មានអ៊ីដ្រូសែនច្រើន តាមលទ្ធភាពដែលអាចធ្វើបាន ឬ ជម្រើសផ្សេងគឺញ៉ាំអាហារទាំងឡាយណាដែលមានសារជាតិខ្លាញ់កម្រិតទាប ឬ គ្មានខ្លាញ់តែម្ដង។
ខ្លាញ់អាក្រក់
ខ្លាញ់ចម្រាញ់ ត្រូវបានប្រទះឃើញនៅក្នុងអាហារចៀន និង អាហារកំប៉ុងដូចជា អាហារញ៉ាំភ្លាមៗ ដែលសារធាតុអ៊ីដ្រូសែន ត្រូវបានបន្ថែមដើម្បីធ្វើឲ្យខ្លាញ់ហាប់ណែនទៅតាមសីតុណ្ហភាពនៃកន្លែងចម្អិន ។ ការទទួលទានខ្លាញ់ចម្រាញ់នេះ អាចបង្កើនកម្រិតនៃខូលេស្តេរ៉ូលអាក្រក់ៗ ។ ចំណុចនេះក៏មិនបានកំណត់ទេថា អាហារកំប៉ុង គឺសម្បូរដោយអំបិល និង ស្ករ លើកលែងតែ ខ្លាញ់ចម្រាញ់ ចេញនោះទេ ។ ដូចគ្នាទៅនិងការបរិភោគខ្លាញ់មានអ៊ីដ្រូសែនច្រើនដែរ ខ្លាញ់ចម្រាញ់ ក៏បង្កើនហានិភ័យនៃជំងឺផ្សេងៗ ដូចជាទឹកនោមផ្អែម និង ជំងឺតម្រង់នោម ។ ការណែនាំនោះគឺ ត្រូវកំណត់ការទទួលទានអាហារដែលមានខ្លាញ់ចម្រាញ់។
ខ្លាញ់ - អ្នកមិនអាចរស់នៅដោយគ្មាន ខ្លាញ់បានឡើយ ហើយជាក់ស្ដែង អ្នកពិតជាមិនអាចបន្តជីវិតដោយគ្មានខ្លាញ់នោះទេ ។ មុខងាររបស់វា ដែលជួយដល់រាង្គកាយស្រូបយកវីតាមីន A, D, E និង K មិនអាចជំនួសបាន ដោយក្រុមអាហារផ្សេងឡើយ ហើយ វាមានសារៈសំខាន់ក្នុងការវិវឌ្ឍន៍របស់ការបំពេញមុខងារនៃសរីរាង្គក្នុងរាង្គកាយ ។ គន្លឹះសំខាន់ក្នុងការគ្រប់គ្រងអាហាររបស់អ្នកដែលសម្បូរដោយខ្លាញ់ គឺមានលក្ខណៈសាមញ្ញ - ទទួលទានខ្លាញ់អាក្រក់ក្នុងកម្រិតមធ្យម បើពុំដូច្នោះទេ កាត់បន្ថយខ្លាញ់នេះឲ្យបានទាំងស្រុង ហើយ សូមកុំខ្មាស់អៀនក្នុងការទទួលទានខ្លាញ់ដែលល្អ។
ញ៉ាំឲ្យបានទៀងទាត់ | ញ៉ាំតិច | ញ៉ាំតិចបំផុត |
---|---|---|
ត្រីអាំង ឬ ចំហុយ | ហាំប័រហ្គឺ | ចេកចៀន ឬម្ហូបបំពងៗ |
គ្រាប់ផ្លែឈើ និង គ្រាប់ធុញ្ញជាតិគ្មានអំបិល និង មិនច្រកជាកំប៉ុង | គុយទាវឆា | ការីបំពង |
ត្រីសាឌីន | សាច់គោបន្ទះសាតេ ឬស៊ុបគោខ្លាញ់ៗ | ពោតបំពង |
ទឹកប្រេងអូលីវ | បាយម្ហូបចៀនៗ | ម្សៅក្រែមដាក់លាយកាហ្វេ |
អត្ថបទខាងលើគឺមានបំណងផ្តល់ជាព័ត៌មានតែប៉ុណ្ណោះ។ AIA មិនទទួលខុសត្រូវលើការខាតបង់ទាំងឡាយណាដែលអាចកើតមានឡើងដែលទាក់ទងព័ត៌មានដែលមាននៅក្នុងអត្ថបទនេះ។
https://home.howstuffworks.com/garlic10.htm
https://www.livestrong.com/article/171913-benefits-side-effects-of-garlic-leaves/
https://www.healthline.com/nutrition/11-proven-health-benefits-of-garlic
https://www.ncbi.nlm.nih.gov/pubmed/25386977
https://www.livestrong.com/article/268286-benefits-of-garlic-powder/
https://www.mmmgarlic.com/garlic-health-benefits/eating-raw-garlic-five-easy-ways/
https://www.sharecare.com/health/inflammation/article/anti-inflammatory-diet-tip-garlic
https://www.livestrong.com/article/521817-how-to-eat-raw-garlic-not-have-garlic-breath/