សេចក្តីប្រកាសសារព័ត៌មាន

ដៃគូធានារ៉ាប់រងអាយុជីវិត និងសុខភាព ជាផ្លូវការរបស់កម្ពុជា 2023 (ស៊ីហ្គេមលើកទី 32 និងអាស៊ានប៉ារ៉ាហ្គេម លើកទី 12)

23/02/2023

អាន 4 នាទី

យើងខ្ញុំពិតជាមានមោទកភាព ដែលបានក្លាយជាដៃគូធានារ៉ាប់រងអាយុជីវិត និងសុខភាពផ្លូវការរបស់ Cambodia 2023 របស់ព្រឹត្តិការណ៍ស៊ីហ្គេមលើកទី 32 និងអាស៊ានប៉ារ៉ាហ្គេមលើកទី 12។

វាពិតជាកិត្តិយសដ៏ធំធេងរបស់ AIA Cambodia ដែលបានក្លាយជាផ្នែកមួយរបស់កម្ពុជា ក្នុងនាមជាម្ចាស់ផ្ទះស៊ីហ្គេមលើកដំបូងក្នុងព្រឹត្តិការណ៍ដ៏អស្ចារ្យនេះ។

ភាពជាដៃគូនេះ តំណាងឲ្យការប្តេជ្ញាចិត្តគាំទ្រ និងជួយទៅដល់ក្រុមជម្រើសជាតិកម្ពុជា និងប្រទេសជាតិផ្ទាល់ដែលជាម្ចាស់ផ្ទះក្នុងការប្រកួតក្នុងឆ្នាំខាងមុខនេះ។ អ្វីដែលសំខាន់ជាងនេះទៅទៀតនោះគឺ ការគាំទ្ររបស់យើងចំពោះ Cambodia 2023 ដែលស្របតាមគោលបំណងរបស់យើងក្នុងការជួយប្រជាជនកម្ពុជាឱ្យរស់នៅមានសុខភាពល្អ និងជីវិតកាន់តែប្រសើរ។ ហើយវាក៏ជួយគាំទ្រនូវគំនិតផ្តួចផ្តើម AIA One Billion របស់ AIA Group ដើម្បីជួយមនុស្សមួយពាន់លាននាក់នៅអាស៊ីឲ្យមានសុខភាព និងជីវិតកាន់តែប្រសើរ នៅឆ្នាំ 2030។ លើសពីនេះ វាក៏ជាការប្តេជ្ញាចិត្តរយៈពេលយូរអង្វែងរបស់យើង ក្នុងការជួយអភិវឌ្ឍ និងលើកកម្ពស់សេដ្ឋកិច្ចរបស់ប្រទេសផងដែរ។

ក្នុងនាមជាដៃគូផ្លូវការ យើងគាំទ្រយ៉ាងពេញទំហឹងដល់ក្រុមជម្រើសជាតិកម្ពុជាទាំងអស់តាមរយៈ CAMSOC ជាមួយការផ្តល់ជូនកញ្ចប់ធានារ៉ាប់រង រង្វាន់ និងការលើកទឹកចិត្តតាមរយៈចលនូបត្ថម្ភផ្សេងៗទៀតទៅដល់កីឡាករ ដើម្បីជំរុញពួកគេឲ្យសម្រេចបាននូវគោលដៅរបស់ខ្លួន។ លើសពីនេះទៀត គំនិតផ្តួចផ្តើមរបស់យើងមានគោលបំណងលើកទឹកចិត្តសាធារណជនឱ្យចូលរួមគាំទ្រ បង្កើតភាពរីករាយ ផ្តល់កម្លាំងកាយ-ចិត្តដ៏ខ្លាំងក្លាដល់ទៅដល់ក្រុមជម្រើសជាតិកម្ពុជា។ ដើម្បីសម្រេចបាននូវគោលបំណងរបស់យើង AIA Cambodia នឹងចូលរួមក្នុងសកម្មភាពផ្សេងទៀតដូចជា torch relay thak (ដង្ហែរគប់ភ្លើង) វគ្គជួបសំណេះសំណាល ព្រឹត្តិការណ៍ពាក់ព័ន្ធផ្សេងទៀត និងការគាំទ្រមូលនិធិរៃអង្គាស។

AIA Cambodia Fit For Hope

ពិធីចុះហត្ថលេខាលើភាពជាដៃគូចលនូបត្ថម្ភផ្លូវការនេះ ប្រព្រឹត្តទៅនៅថ្ងៃទី 28 ខែធ្នូ ឆ្នាំ2022 នៅការិយាល័យគណៈកម្មាធិការជាតិអូឡាំពិកកម្ពុជា (NOCC) ក្រោមវត្តមានដ៏ខ្ពង់ខ្ពស់របស់ឯកឧត្តម វ៉ាត់ ចំរើន អគ្គលេខាធិការដ្ឋាននៃគណៈគ្រប់គ្រងកម្មាធិការជាតិរៀបចំស៊ីហ្គេម (CAMSOC) និង លោក Andrew Loh អគ្គនាយកប្រតិបត្តិនៃក្រុមហ៊ុនធានារ៉ាប់រងអាយុជីវិត AIA Cambodia ។

AIA Cambodia Fit For Hope

ឯកឧត្តម វ៉ាត់ ចំរើន បានមានប្រសាសន៍ថា៖ «អំឡុងពេលដែលយើងខិតខំរៀបចំការប្រកួតឲ្យបានល្អបំផុតតាមដែលអាចធ្វើទៅបាន CAMSOC ពិតមានកិត្តិយសសូមស្វាគមន៍ក្រុមហ៊ុនធានារ៉ាប់រងអាយុជីវិត AIA Cambodia ក្នុងនាមជាដៃគូផ្លូវការដែលផ្តល់នូវការធានារ៉ាប់រងអាយុជីវិត និងសុខភាពនៅក្នុងព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេមឆ្នាំ 2023។ ក្នុងនាមជាស្ថាប័នមួយដែលមានការប្តេជ្ញាចិត្តយ៉ាងមោះមុតក្នុងវិស័យកីឡានេះ យើងមានទំនុកចិត្តថា ការឧបត្ថម្ភរបស់ក្រុមហ៊ុន AIA Cambodia ពិតជារួមចំណែកក្នុងការលើកស្ទួយ បំផុសគំនិត និង ផ្តល់អត្ថប្រយោជន៍ជាច្រើនទៅដល់ក្រុមកីឡាករជម្រើសជាតិកម្ពុជា និងអ្នកគាំទ្រទាំងអស់គ្នាដើម្បីឆ្ពោះទៅរកភាពជោគជ័យ»។

លោក Andrew Loh បានមានប្រសាសន៍ថា៖ «យើងមានមោទកភាពក្នុងការគាំទ្រការប្រកួតកីឡា និងលើកកម្ពស់ Cambodia 2023 ទាំងក្នុងប្រទេស និងក្នុងតំបន់។ ក្រុមហ៊ុនធានារ៉ាប់រងអាយុជីវិត AIA Cambodia តែងតែផ្តល់អាទិភាពដល់សុខភាព និងសុខុមាលភាព ហើយកីឡា គឺជាមធ្យោបាយដ៏ចម្បងមួយដើម្បីជួយឲ្យសម្រេចបាននូវសុខុមាលភាពដ៏ល្អប្រសើរ។ យើងខ្ញុំសង្ឃឹមថាការប្រកួតកីឡានឹងបំផុសគំនិតឲ្យប្រជាជនកម្ពុជា កាន់តែផ្តោតលើការថែរក្សាសុខភាពឲ្យបានកាន់តែប្រសើរឡើង ដើម្បីសម្រេចបាននូវគោលបំណងធំរបស់ក្រុមហ៊ុនយើងក្នុងការជួយឲ្យប្រជាជនកម្ពុជារស់នៅមានសុខភាព និងជីវិតកាន់តែប្រសើរ»។

AIA Cambodia Fit For Hope

ចែករំលែក

ទំនាក់ទំនងសារព័ត៌មាន

ម៉េង ដាណែត

ប្រធានផ្នែកទំនាក់ទំនងសាធារណៈ

អេ អាយ អេ (ខេមបូឌា) ឡាយហ្វ៍ អ៊ិនសួរេន ម.ក

Daneth-d.Meng@aia.com